貴川風味館

Open Now

Now Closed

我本身有米線癮既，一個禮拜點都會有一至兩次食米線，今次我就食咗元朗呢間貴川風味館。店內環境比較迫，不過嘢食好味，所以間中都會去呢間食。每次嗌米線我都會嗌麻酸辣湯底，而我老公就試過金湯同埋沙嗲湯底，而餸嘅肉類選擇不多，我通常會嗌雞絲、雲耳、紫菜。而竹笙我原本好鍾意食，但上次試過嗌竹笙，湯底變杰，唔太建議嗌。雞絲非常爽滑一啲都唔鞋，紫菜給晒湯汁非常入味，而米線係煙韌同滑，超鍾意食呢個口感，我會走埋韭菜同芽菜，更加食到米線嘅質感。而我最推介嘅就係佢個麻辣皮蛋，黃色嘅皮蛋食落去非常特別，有時我仲會打包一份返屋企食。