貴川風味館

Open Now

Now Closed

收9:30其實都無咩選擇，經過入去，叫左一碗湯米線一碗撈米線，撈米線幾好食，叫多左個小食炸椰菜餃 ，一上枱，唔係金黃色 係深啡色，明顯炸過火，我咬左一啖試下都決定成碟都唔食啦，費時因為唔想浪費而生cancer。

入到門口，有同事安排枱，我係門口入去第三張枱對住就系一個吾知裝廚餘定垃圾既桶總知就系非常污糟。一直都有好多蚊滋圍住我張枱飛。落單叫野食，叫左大辣酸麻辣湯米線跟豬排豬頸肉，豬排豬頸肉好食，湯就剩得酸味食吾出麻味既。野食味道都算可以。但由碗麵上離，我起馬趕蚊滋都趕左好多次，吾系講一兩隻，系5、6隻一直圍住你飛，去到後面真系越食越炆，問員工可吾可以調位去入面（因為17:30鋪頭都無客，得我一個），員工回答入面會有仲多蚊滋，咁我唯有繼續唸住快手食完走，但系食食下見到碗麵入面有兩隻蚊滋，真系即刻反胃，都吾知有無食左落肚。成個餐食左一半都無，咁既情況我都吾開胃，要求免單，老闆娘堅決吾肯，話煮過碗，OK,後尾又比人調左去最近門口既位，地鋪竟然越近門口越乾淨。新一碗面上左枱，我食左一淡，就有蚊滋飛上我手，真系頂吾順，直接埋單走人，污糟邋遢，到底系食緊貴川米線定貴川蚊滋，真系無人知，勸大家堂食吾好咁快落單，一有蚊滋即刻走人，如果吾系食左你都吾知，外賣就自己小心啦無辦法。p.s.途中都聽到員工話好多蚊滋呢個問題，但竟然系話開足全部冷氣就會少d蚊滋，真系黑人問號，比個建議，將你哋個好污糟既吾知咩桶裝番個蓋其

今日突然想食米線，又唔想食平時食開嗰啲，就搵一間未食過嘅試吓。喺lunch time時間一點左右去食，竟然有位，唔使排隊唔使等就直接入咗去坐。都有幾款米線揀嘅，就揀咗雲南酸辣米線+豬大腸魚皮餃，同埋熱撈米線+豬大腸娃娃菜。（小插曲：俾漏咗熱撈米線個豬大腸🫢好彩同店員反映之後好快順利補返👍🏻）雲南酸辣米線叫咗小辣，不過感覺上係偏辣，個湯又好夠熱，感覺係辣上加辣😂🤣🤣而熱撈米線感覺本身配搭嘅炸醬唔夠好味，所以感覺麻麻地。而最驚喜嘅係個豬大腸，滷得好夠味，而食落又唔會覺得太肥膩👍🏻

今日試左金湯麻辣薯粉. 麻辣湯係我比較喜歡的湯底，可惜今日個湯偏咸. 叫左豬肚，豬扒，同芝士丸。芝士丸就無咩好評價，都係一般芝士丸。豬扒都幾好食，有醃過. 上碟都係熱辣辣。而且係分開上，加分。豬肚就一般般，唔多推介。無咩味今日叫左薯粉，太有咬口了，食完個口都有d攰攰地😂杯凍奶茶真心唔推介。同埋佢地飲野都係好一般，建議飲罐裝可樂就算.

睇好多食評講到呢度咁差親身嚟到嘅時候又唔係真係咁差喎，佢啲食物質素控制得好好，味道好多款選擇，仲有BB辣添，我每次嚟都係叫鮮鱸魚片，真係好好味又抵食，仲有個爽滑魚皮，值得一推介，喺元朗試過好多間，都係最好食呢間，堅爽滑，試過晒佢全部湯底，本人最鍾意就係沙嗲小窩米線米！$49碗米線仲有鱸魚片，間間都起碼$70-$80一碗，我覺得係元朗最抵食米線！

. 元朗重口味米線 | 夠哂辣 | 炸豬頸肉|炸午餐肉|黃金皮蛋# 貴川風味館🍜招牌酸麻辣米線 $29湯底有芫荽、香蔥、酸菜、肉碎🤟🏻我鍾意呢度嘅湯底除咗有酸辣味、仲有小小麻辣🌶️好過癮！(留意番小辣大約等如譚仔三小辣)😍不過米線就偏幼細同淋小小、可接受既🧐炸豬頸肉 $15另上已經加分👏🏻炸到岩岩好、有啲蜜糖味🫶🏻好食！炸午餐肉 $10有三舊左右、厚厚的😍我對午餐肉有股堅持✊🏻就係一定要炸過/煎過先食😜豬軟骨 $14幾入味、偏細舊啲😀可能咁岩軟骨位多過啲肉😅豬大腸 $10清到好乾淨、入面一啲脂肪都無😳好似剩食豬腸皮🫣同埋唔係爽口彈牙果陣、都係肥膩啲好食啲🐷豬紅 $10正常豬紅、味道同份㗎量都OK🤗🥚川味黃金皮蛋 $29少有的黃金皮蛋😀味道同黑白皮蛋無咩分別、不過口感偏軟身、好似溏心蛋咁👍🏻佢既辣椒油🌶️係四川風味、好夠辣🤟🏻🥤凍飲 +$8 整體其實佢啲餸嘅份量都多、所以相對加餸價錢係幾多其他米線高少少👀如果唔鍾意重口味/重辣油既、可以試金湯麻辣😄都唔錯架清啲！——————————————-貴川風味館📍 元朗元朗康樂路13-25號地下6號舖📆星期一至日：11:30~23:00#hkfoods

放工本身想食小鍋米線 點知冇開近近地就食呢間 本身叫三個餸 落漏黑木耳都算 我叫兩碗米給線 請問你比個白飯我做咩？？你比錯其他麵都唔緊要呀 白飯真係唔知點食。。。。重點係 已經係第二次發生！上次咁岩屋企有米線 都可以煮完放落去 今次真係乜都冇😅唯有照撈飯食囉。。。。勸大家買外賣唔想撈飯食既話 可以打開check下先返屋企😇住得近都算 我仲要轉車返去 唔通特登搭車拎返碗米線咩？真係搞笑咩味道都係咁啦 個人覺得旺角店好食啲 湯底係比較油 豬頸肉都OK 但暫時都唔會再食了😄元朗有好多其他米線鋪仲好食 不建議

之前試過旺角分店我覺得旺角分店食物質素不錯。所以決定試試元朗分店。落單時提及酸麻辣紅薯粉，但年輕職員落單係酸辣紅薯粉…幸好我及時發現並提出落錯單落咗酸辣紅薯粉。但職員型懵然不知說酸辣紅薯粉即是酸麻辣紅薯粉。我再看一看餐牌指一指是兩個不同口味，並指出兩者是不同的產品。年紀較大嘅職員即刻指責，問我係咪自己落錯單，話已經出咗單係酸辣紅薯粉，可以補個醋醋汁給我。而年輕職員沒有出聲。我好肯定自己叫的是酸麻辣紅薯粉，並向年紀較大嘅職員提出醋汁是酸的，而我要的是酸麻辣口味。此時，年輕職員才提出再出一碗給我。取回家後，發現酸麻辣紅薯粉湯十分油，有怪味，完全與旺角分店嘅食物質素相差好遠，油到唔會放入口。豬頸肉質素正常。真係唔會有下一次😵‍💫浪費金錢仲要一肚氣。完。

之前食過呢間旺角分店的確唔錯，但元朗呢間分店真係差天共地！首先入座唔會有人理你，當時眼見4 -5枱已經食緊野既客人，3個員工但冇人會招呼你，到想落單既時候，個位叫「阿紅」既女侍應望下你直行直過，完全唔理會。叫左一碗米線，落單後20分鐘後仍未見有，所以問下侍應可唔可以跟進下係咪漏左單？然後廚房個位鬍鬚男士極冇禮貌，好大聲咁鬧「頭先整緊野丫！係咪催呀佢？！」過5分鐘後好大力咁將我碗米線掉係出菜位，d湯濺哂出黎！碗野勁油勁鹹！仲比個位男士整到成個碗外邊都係油！最有趣係個位女侍應「阿紅」仲企係度望住陰陰嘴笑～係基於覺得客人比你地咁樣對待好好笑？另一位女侍應就有主動同我講唔好意思。職業無分貴賤，你係一間平民餐廳做唔代表就用一副「爛仔」態度去工作，難道客人黎食野係要受你氣？你要我等一個鐘既話都要等，唔可以問一聲？！真係不知所謂！

前幾日食晏就飯唔知食乜好，咁啱經過貴川米線，見佢有沙嗲湯幾吸引，同其他米線鋪比起碼有啲新意就走入去試下。（利申本身都幾好沙嗲湯）之後叫咗個大腸雞絲沙嗲湯，首先講下個湯先，幾香沙嗲味，但唔係茶餐廳個款，偏甜，冇乜花生醬濃香，不過同本身雲南米線啲料配搭都幾過癮，整體感覺唔錯。但可惜雞絲係雞柳絲，唔係平時食開啲手撕雞絲，所以冇乜雞味，食落去好似就咁食咗一舊肉咁，下次會叫下第2樣試另一碗就叫咗個招牌酸辣小鍋米線，正正常常啦，不過不失，小辣好似唔辣咁，中意食辣可以叫中辣或大辣，個厚切豬扒就幾多好香，唔錯的。整體黎講，個沙嗲湯可一試，雞絲就唔了。

由落單西面，到買單都西面。完全冇服務態度。食物質素一般都俾高佢。叫左豬大腸加炸醬炸醬係一舊肉餅咁上，中間係凍既。你做生意有冇良心？可以咁求其。埋單俾錢，你好似唔想收咁，同其他人傾偈都好似唔想理我。總之唔會再食，永久黑名單奉勸啲人都唔好去食

🔹️貴川風味館 (元朗)🔹️經過入去試下，我見佢都係主打米線系列，但亦都有菜飯系列可供選擇，都已經少餐廳有菜飯可以選擇，平時都係白飯款，所以吸引左我入去🍚口水雞菜飯雞肉鮮嫩帶點爽口，面頭有啲拍碎炒好的花生撒到雞肉面，花生爽口鬆脆，醬汁亦都好多且濃郁配上菜飯食真係唔錯🥘金湯麻辣小鍋米線包括有鮮肉碎、韮菜、芽菜、蔥花、芫荽食金湯米線，食食下會有點成口麻痺我加配左魚皮餃、午餐肉、腸仔魚皮餃就真係正常發揮啦，就咁放入米線內煮熟最驚喜既係午餐肉係厚切炸過，腸仔都係炸過，的確係炸得油左啲既🙈，但係我喜歡既茶餐廳感覺，好耐無食過啦

今日於觀塘區放工，坐車返元朗途中爭取時間，問咗家人想試下貴川。用外賣平台落定返到去差唔多送來，可以順便攞埋。家人叫咗招牌酸辣米線，配腐竹，雞絲，娃娃菜及炸醬。整體個米線係OK, 配料亦唔算少，惟獨個炸醬同平時於譚X連鎖集團的有啲唔同，家人唔太鐘意，俾咗我食。我叫咗個厚切豬排菜飯，送埋凍飲。豬排有少少炸過咗火，乾身咗小小，跟豬排有椰菜，不過食落感覺太油膩啦，反而菜飯幾好味。海帶結辣辣地，而且亦有口感。川味口水雞，味道同份量都唔錯。家人過往較少食辣嘢，最近慢慢越食越多。貴川整體食物OK, 會再幫襯試下其他食品。

🍜招牌酸麻辣米線 $43★★★☆☆叫左中小辣，食落都幾辣似係中辣程度。湯底偏濃，米線好入味，唔洗浸住湯食都夠味，米線軟硬適中，冇特別滑身。個人覺得食落麻辣味太勁，酸味唔夠出，同埋偏油左少少。豬頸肉另上，有齊肥瘦，油炸後除左脆口，食落仲有啲煙煙韌韌，幾有口感，幾好食。🍜清湯小鍋米線 $48★★★☆☆雖然清湯兼走左芽菜、走芫茜，望落個湯底顏色好清淡，但飲落夠味，有豬骨咸味，加上佢有大量肉碎，唔會覺得好寡。叫左雞絲，但絕對唔係一絲絲，而係一條條，我諗叫佢做雞柳會更加合理，口感爽口唔鞋，份量多。豬潤新鮮冇怪味，唔算太嫩但唔會老，不過不失。🌟總括：正正常常，唔算特別有記憶點，但經過又想食米線，呢間都可以試下。 

每次落雨都好想食酸辣既米線🥹但咁岩食開個間今日休息冇開 就去試下呢間～叫左酸辣小窩米線加豬大腸$38米線偏淋 入邊嘅配菜都算係幾足料豬大腸亦都幾多👍🏻湯底吾算太酸嘢飲就叫咗凍檸茶（+$7），茶底都幾濃😋不過如果服務好少少就好🫣