大家樂 (Closed)

上星期三跟朋友來了大家樂食晚餐,一段時間沒有來,嘩,今晚勁多人,唔知係咪因為出左鐵板餐呢?我地兩個人叫了一個焗豬扒飯+南瓜雞皇飯配凍珍珠奶茶,另叫了一個鐵板牛扒餐配芒果西米冰.焗飯很快就有不用等,我地一齊食,焗豬扒飯好淋好味,南瓜雞皇飯也很好味呀,大家樂的焗豬扒飯我朋友好鍾意食,佢話好好味,食極都唔會厭.鐵板餐等左好耐都未有,因為太多人的關係,所以都好鬼死耐先有,我地食完成個焗飯都未有.初初朋友出去攞,佢話個塊牛扒好細塊,叫佢換塊大塊d既,不過竟然冇果塊香草牛油我地後尾先發現.不過牛扒都好好味,下面有些紅腰豆,有些薯菜,份量也很大,另配一個酥皮湯,還有一個焗薯,另可加錢配香蕉船.我覺得好抵食,因去其它餐廳都唔會咁平的價錢有咁多樣野食.