美心香港地 (Closed)

目前魚子醬一家還在調節開學後的生理時鐘，小朋友大約八點就會無電，結果我們要將晚餐時間推早到六點鐘，朋友成日話「返學辛苦過擔泥」似乎係真的..只想快食快走，看著水牌，就決定食香港地，時間尚早人少少，有靠窗卡位，望了望餐牌，決定棄中餐，食鐵板！除左呢三款，仲有款係薑醋配飯的鐵板，連坐月都唔肯食薑醋的我，當然「時運高我睇你唔到」點了芝士雞扒泡菜腩肉炒薯粉 和 蠔汁鮑魚配梅菜腩肉魚柳紅米飯，$58包一大杯蜂蜜薏米冰，都算抵食了吧，而且往後會發覺這杯薏米冰絕對是救星紅米飯先來，單看賣相份量似乎不夠一名男士飽肚，但拌勻後其實都幾大碟，加上溫度高，慢慢吃，三種食材看似毫無關係，就姑且當作鐵板的碟頭飯也不錯啊，單看每款食材的味道也不俗的，但整體有點濃味多汁，而且一直保持溫熱，這時薏米冰完全發揮其重要性！家樓下有不少薯粉店，食到上晒癮，鐵板也選擇了薯粉，感覺泡菜腩肉應該跟薯粉頗為匹配，芝士雞扒就當作果腹之用；果真這碟比紅米飯更出色，薯粉一來不會痴底會黏作一團，味道都跟預期的一樣配合，平時吃酸辣湯薯粉，今天就吃鐵板，同樣正中胃口時間尚早，人少少的關係，服務都幾到位，熱情的魚子醬離開時都跟姨姨們不停拜拜。