Hungry Monkey (金朝陽中心二期 - Midtown)

Open Now

Now Closed

環境4分：新潮酒吧餐廳格局，樓面超高。門口吧位包圍住個開放式廚房 ,一目了然，可以畀四分。衛生5分：地方好整齊，張張枱都有板隔開，衛生可以畀五分。服務5分：服務員招呼周到，會介紹同解釋Ｄ菜，仲會不斷同你換碟加紙，服務滿分。味道4分：1)     頭盤沙律係蕃茄，原隻蕃茄一開八，上面加左D蒜蓉，D沙律汁有少少酸少少甜， 非常開胃。2)     辣酒凍花螺，D汁唔算好辣，唔係好食得辣嘅人都ok，花螺細細隻，食得出好新鮮。3)     豆芽韭菜花炒砂肝筋，芽菜仔同韭菜花好新鮮，D肝筋好爽。4)      香蔥牛肉薄燒雖然睇落去係全熟， 但食落去又唔會韌，入面D蔥蒜都好足。5)      牛脷薄燒，牛脷切到非常薄薄一片，然後上面加D蔥蒜，非常惹味。6)      日本原隻帆立貝非常厲害大大隻，仲大隻過手掌，燒出嚟啱啱好，帆立貝鮮甜，不需太多調味食得出帆立貝嘅鮮味，值得一試。7)      燒蠔一碟四隻，大大隻，唔會韌。8)      最後送上甜品，有新鮮蜜瓜同提子各兩舊。抵食5分：日式鐵板燒晚餐通常都係比較貴，但係呢度平均每碟一百蚊都唔使就有一款主菜肉類，非常超值，抵食可以畀五分。