Video
Read full review
2024-12-31
165 views
其實都唔淨只嚟過一次，覺得呢到幾好坐而且餐點好精緻，啲甜品都好啱心水，咁啱見到做緊期間限定嘅餐牌，就諗住試一試。‣ 吉列豬扒蛋包飯 $158呢到嘅蛋包飯真係必食，個蛋真係超級滑溜，搭配茄醬炒飯真係一流。豬扒都炸到脆卜卜，加埋咖喱真係超級開胃。而咖喱口味都係偏甘口，所以唔食辣嘅朋友都好適合嗌。逢晏晝加三十八蚊就有餐湯、沙律，今日餐湯係蕃茄濃湯，個湯夠濃稠都幾好飲，而博多甜王草莓梳打嘅士多啤梨味夠真，飲落去好舒服。‣ 吉列松葉蟹漢堡 $158第一眼望到就比松葉蟹吸引咗，上枱嗰陣真係覺得好大份，當然都要多謝佢嘅吉列松葉蟹扒。佢嘅吉列松葉蟹真係啖啖肉，咬落去相當之有口感，唔會話腍啤啤。我都幾鍾意佢嘅醬汁，他他醬撈蟹子絕對冇得輸。而轉咗套餐飲梳打都係加多十蚊，宮崎日向夏柑橘梳打味道都係酸酸甜甜，食炸嘢嘅時候飲落去啱啱好中和到膩感。‣ 草莓物語芭菲 $88幾鍾意佢啲芭菲，啲材料雖然簡單，但係樣樣我都鍾意食。面頭就係軟滑嘅雪糕，中間有一層吉士醬，旁邊嘅忌廉唔會太過甜，底層就有啲脆脆。如果覺得食雲呢拿雪糕太寡，仲有士多啤梨果醬俾你加上去，作為士多啤梨控覺得滿意。‣ UFUFU雞翼 $58本身純粹係口痕
‣ 吉列豬扒蛋包飯 $158
呢到嘅蛋包飯真係必食，個蛋真係超級滑溜，搭配茄醬炒飯真係一流。豬扒都炸到脆卜卜，加埋咖喱真係超級開胃。而咖喱口味都係偏甘口，所以唔食辣嘅朋友都好適合嗌。逢晏晝加三十八蚊就有餐湯、沙律，今日餐湯係蕃茄濃湯，個湯夠濃稠都幾好飲，而博多甜王草莓梳打嘅士多啤梨味夠真，飲落去好舒服。
‣ 吉列松葉蟹漢堡 $158
第一眼望到就比松葉蟹吸引咗，上枱嗰陣真係覺得好大份，當然都要多謝佢嘅吉列松葉蟹扒。佢嘅吉列松葉蟹真係啖啖肉，咬落去相當之有口感，唔會話腍啤啤。我都幾鍾意佢嘅醬汁，他他醬撈蟹子絕對冇得輸。而轉咗套餐飲梳打都係加多十蚊，宮崎日向夏柑橘梳打味道都係酸酸甜甜，食炸嘢嘅時候飲落去啱啱好中和到膩感。
‣ 草莓物語芭菲 $88
幾鍾意佢啲芭菲，啲材料雖然簡單，但係樣樣我都鍾意食。面頭就係軟滑嘅雪糕，中間有一層吉士醬，旁邊嘅忌廉唔會太過甜，底層就有啲脆脆。如果覺得食雲呢拿雪糕太寡，仲有士多啤梨果醬俾你加上去，作為士多啤梨控覺得滿意。
‣ UFUFU雞翼 $58
本身純粹係口痕想食雞翼，點知食完覺得都幾有驚喜，個醬汁甜甜地，但係唔會因為咁就影響雞翼嘅口感。食落去依然脆卜卜，而肉質相當嫩滑，加埋芝麻嘅香，趁住期間限定真係要嗌。
📍 UFUFU CAFE
地址：銅鑼灣謝斐道535號Tower 535 1樓101-102號舖
訂座連結：https://s.openrice.com/QrbS0qz4600~dg2a5KWMZ
Post
