汐

Open Now

Now Closed

呢到除左poke bowl之外，仲有意粉同丼飯，非常吸引，而且環境仲好舒服。<建議可以先訂位，當日接近晚飯時間都近乎滿座>招牌富士山卡邦尼意粉 - 一堆蟹籽蟹柳堆出嚟嘅小山丘，賣相已經好吸引，成個意粉同好creamy又唔會太膩，食得出心機之作。醬油漬角切三文魚配醬燒三文魚腩 - 有粟米，中華沙律，蟹籽，青瓜，蟹柳同三文魚鋪向飯上，已經好色彩繽紛，食慾大增，角切三文魚嘅份量都多而且肥美，三文魚腩燒得香脆可口，每一啖都滿足感滿滿。加$58仲可以轉套餐有黑松露忌廉湯+飲品同甜品，當日嘅甜品仲係tiramisu。小食拼盤 - 豆腐魚餅好有驚喜，蝦餅亦都炸到好香脆，啖啖肉好滿足。靜崗抹茶豆乳 - 厚厚嘅一層奶泡配埋香濃嘅抹茶，鍾意抹茶嘅一定要試。山梨縣蜜桃碟豆花鮮奶 - 清新解膩，大滿足。當日追蹤小店嘅社交平台同like post仲有95折優惠，同埋可以用最優惠嘅價錢加購原條鰻魚壽司同醬燒三文魚，性價比非常之高。