Sake Bar CHU CHU

Open Now

Now Closed

好耐冇去過啲性價比咁高嘅酒吧，佢嘅價錢好合理，而且嘢食係非常之高質同好食。當然佢嘅調酒師，侍應嘅服務態度都超級好，知道每一種口味適合配邊一種嘅酒，非常之專業我哋一入座嘅時候侍應已經特登問我哋鍾意飲開邊一種嘅酒，然後再安排俾我哋。食辣嘢嘅時候，佢哋亦都會安排食辣嘢嘅酒俾我哋，每一杯酒都非常之夾佢嘅食物。另外佢哋仲推出咗一個麻辣套餐，除咗有配好嘅酒之外，佢哋串燒都好好食，而我仲另外叫咗麻辣風鮟鱇魚肝，椒麻雞寶藏，辣味唐揚蘿蔔糕，牛筋煳麻燒，煳麻唐揚炸雞等等嘅麻辣嘢食。佢哋嘅辣椒油非常之好食，而且好有驚喜，魚肝入口即溶，雞寶藏有雞心雞腎等等各式各樣嘅內臟，口感唔錯，對於我呢種鍾意食內臟嘅人嚟講係超級正。而佢嘅炸雞炸得啱啱好，外脆內嫩！仲有佢嘅牛油烏賊肝醬炒魷魚🦑都超級彈牙雀配埋佢嘅肝醬，令成碟魷魚更加香。佢哋嘅酒嘅選擇都好多，而且全部都好有特色，連用江戶時代酵母釀製嘅酒都會可以喺度搵到，又或者你食完晒所有嘢，想要一杯甜品酒，佢亦都可以有，無論你想要邊一種，佢都可以提供，真心非常之貼心。