Video
Read full review
2024-08-28
510 views
呢日午餐決定要獎勵吓自己，想搵間性價比高嘅鐵板燒食吓，於是就嚟咗呢間喺銅鑼灣嘅日式鐵板燒餐廳🤩 每檯大約有七個位，所以師傅可以好好服務客人🤭和風沙律係一個經典嘅日式沙律，配上芝麻沙律醬🥗 係呢一餐清新嘅好開始😁美國銀鱈魚可以見到師傅喺席前烹煮菜式，真係好賞心悅目。第一度見到師傅用鐵板燒嘅就係呢一道美國銀鱈魚🐟 銀鱈魚嘅油脂豐富，魚肉嫩滑。燒香完可以減低油膩感，令整個口腔都係幸福嘅味道。精選牛柳我哋加咗少少錢要精選牛柳，果然係物超所值🙊 師傅一放塊牛柳落去鐵板上面，牛肉嘅香味已經衝曬出嚟，令人非常期待呢一塊牛柳🐮 牛柳嘅質地軟腍，加上係五成熟，入面仲鎖住啲肉汁。牛柳嘅側邊仲有份牛油炒雜菜，主要有芽菜、椰菜絲同埋紅蘿蔔絲。海鮮炒飯坐係吧枱就可以望住師傅由白飯開始製作呢一個海鮮炒飯👍🏻 師傅先將白飯同埋雞蛋炒香，見到師傅功價十足，三兩下手勢就將雞蛋包裹住每粒白飯🍳 然後再炒香海鮮，再將海鮮加入蛋炒飯入面。師傅仲好貼心我哋加唔加蔥花，個人覺得加咗蔥花嘅炒飯顏色更加靚。呢個海鮮炒飯充滿鑊氣，入面嘅海鮮有魷魚、蝦仁等嘅配料🦑牛舌洋蔥湯呢個係呢度好出名嘅洋蔥湯，入面主要嘅材料就係有牛舌同埋洋蔥🧅 洋
和風沙律
係一個經典嘅日式沙律，配上芝麻沙律醬🥗 係呢一餐清新嘅好開始😁
美國銀鱈魚
可以見到師傅喺席前烹煮菜式，真係好賞心悅目。第一度見到師傅用鐵板燒嘅就係呢一道美國銀鱈魚🐟 銀鱈魚嘅油脂豐富，魚肉嫩滑。燒香完可以減低油膩感，令整個口腔都係幸福嘅味道。
精選牛柳
我哋加咗少少錢要精選牛柳，果然係物超所值🙊 師傅一放塊牛柳落去鐵板上面，牛肉嘅香味已經衝曬出嚟，令人非常期待呢一塊牛柳🐮 牛柳嘅質地軟腍，加上係五成熟，入面仲鎖住啲肉汁。牛柳嘅側邊仲有份牛油炒雜菜，主要有芽菜、椰菜絲同埋紅蘿蔔絲。
海鮮炒飯
坐係吧枱就可以望住師傅由白飯開始製作呢一個海鮮炒飯👍🏻 師傅先將白飯同埋雞蛋炒香，見到師傅功價十足，三兩下手勢就將雞蛋包裹住每粒白飯🍳 然後再炒香海鮮，再將海鮮加入蛋炒飯入面。師傅仲好貼心我哋加唔加蔥花，個人覺得加咗蔥花嘅炒飯顏色更加靚。呢個海鮮炒飯充滿鑊氣，入面嘅海鮮有魷魚、蝦仁等嘅配料🦑
牛舌洋蔥湯
呢個係呢度好出名嘅洋蔥湯，入面主要嘅材料就係有牛舌同埋洋蔥🧅 洋蔥煲完出嚟唔會有辛辣嘅味道，反而味道甜甜地，更能帶出牛舌嘅香味。牛舌亦都煲得軟腍，份量都唔少㗎👅
雪糕
今日嘅雪糕有曲奇同埋豆腐兩種口味，我同朋友各要咗一款。豆腐雪糕味道冇咁甜，有淡淡嘅豆腐香味。曲奇口味係大人小朋友都鍾意嘅味道🍪
呢餐鐵板燒最後埋單每人都唔駛$300，算係好高性價比😎 如果下次嚟到銅鑼灣想食鐵板燒就可以考慮呢度啦🤤
Post
