備長

Open Now

Now Closed

正式進入秋天，開始想食返啲暖笠笠嘅嘢，今日就再去咗銅鑼灣呢間日式串燒專門店。未上菜之前，餐廳係枱面擺咗青瓜、蘿蔔、生菜等前菜，清一清味蕾。先嚟叫咗冷豆腐，豆腐滑溜清涼，作為前菜一流，除咗醬油調味之外，有木魚、番茄、青瓜做配菜，仲有一小撮薑，撈埋食有小小辣味吊味。之後開始食燒物：鵪鶉蛋，燒到外面蛋白爽口，入面嘅蛋黃好香。秋葵，外面加咗啲鹽令味道冇咁單調。銀鱈魚，燒得恰到好處，魚皮帶焦香，魚肉滑得嚟結實，味道小小甜，仲有沙律伴碟，唔會覺油膩。豚之大腸，以係係豬大腸，但相對之下醬汁較甜，皮亦較脆，燒完油份好出好邪惡。牛舌厚切，即使咁厚身仍然保持到口感軟嫩易咬。茄子，上面鋪滿木魚提升口感，燒完之後咬落更加多汁。白膳，既肥美又彈牙，魚皮燒至脆口。海膽海鮮炒飯，海鮮份量比想像中多，有魷魚、蜆等等。海膽creamy得嚟小小甜，加咗黑椒嘅炒飯味道更有層次。餐廳亦自動提供碗仔，非常貼心。食串燒最啱就配啲有氣嘅飲品，我就叫咗一杯High ball 降降溫。