Video
Read full review
2023-09-07
343 views
銅鑼灣新開樓上西餐，成功上咗OpenRice熱門餐廳🔥晚市六點開始，因為我哋係第二台客，可以坐到窗口位🥰 望到晒海底隧道、尖沙咀、灣仔會展等，如果天氣好仲可以望到日落主要食意粉、意大利飯、漢堡包、all day breakfast等飲品款式好多，有一啲仲好特別！▶️ M5 和牛壽喜燒溫泉蛋意大利飯 ($148)賣相靚仔，面頭有大量牛肉，完全唔吝嗇🐂食得出牛肉新鮮，係靚牛肉，質感唔韌，亦唔會太多肥膏真係有壽喜燒味，仲炒入焦糖化嘅洋蔥🧅灑上黑白芝麻粒溫泉蛋全流心，蛋黃溶入意大利飯，令食落冇咁乾意大利飯質感唔錯👍🏻飯粒飽滿本身已經有白汁配芝士，口感creamy，另外仲加入蘑菇係一度又日式又西式嘅主菜好食，但食食吓會嫌重口味咗🤏🏻壽喜燒醬味道濃烈，同本身嘅芝士白汁忌廉互搶，變得過鹹，如果教返淡個壽喜燒醬會好啲▶️ 炸軟殼蟹咖喱蛋包意大利飯 ($158)真係成隻炸軟殼蟹上🦀下面係蛋包飯，特別在用意大利飯而唔係白飯旁邊係咖喱汁🍛▶️ 靜岡抹茶豆乳 ($42)超有驚喜🤩一開始以為只係一個平平無奇嘅豆漿溝抹茶粉點知飲落個底有豆腐花！由飲品變成一個甜品，口感變得豐富豆味香濃，豆腐花幼滑，抹茶味都唔示弱💚甜度適
晚市六點開始，因為我哋係第二台客，可以坐到窗口位🥰 望到晒海底隧道、尖沙咀、灣仔會展等，如果天氣好仲可以望到日落
主要食意粉、意大利飯、漢堡包、all day breakfast等
飲品款式好多，有一啲仲好特別！
▶️ M5 和牛壽喜燒溫泉蛋意大利飯 ($148)
賣相靚仔，面頭有大量牛肉，完全唔吝嗇🐂
食得出牛肉新鮮，係靚牛肉，質感唔韌，亦唔會太多肥膏
真係有壽喜燒味，仲炒入焦糖化嘅洋蔥🧅灑上黑白芝麻粒
溫泉蛋全流心，蛋黃溶入意大利飯，令食落冇咁乾
M5 和牛壽喜燒溫泉蛋意大利飯
$148
54 views
0 likes
0 comments
意大利飯質感唔錯👍🏻飯粒飽滿
本身已經有白汁配芝士，口感creamy，另外仲加入蘑菇
係一度又日式又西式嘅主菜
好食，但食食吓會嫌重口味咗🤏🏻壽喜燒醬味道濃烈，同本身嘅芝士白汁忌廉互搶，變得過鹹，如果教返淡個壽喜燒醬會好啲
▶️ 炸軟殼蟹咖喱蛋包意大利飯 ($158)
真係成隻炸軟殼蟹上🦀
下面係蛋包飯，特別在用意大利飯而唔係白飯
旁邊係咖喱汁🍛
▶️ 靜岡抹茶豆乳 ($42)
超有驚喜🤩一開始以為只係一個平平無奇嘅豆漿溝抹茶粉
點知飲落個底有豆腐花！由飲品變成一個甜品，口感變得豐富
豆味香濃，豆腐花幼滑，抹茶味都唔示弱💚甜度適中
靜岡抹茶豆乳
$42
23 views
1 likes
0 comments
▶️草莓酸奶 ($42)
底部係士多啤梨蓉，配上yogurt酸奶，面頭放上玫瑰花碎，顏色好少女心💗
比起用牛奶杰身，味道又唔太酸
似飲緊一個流質啲嘅乳酪，係一個好好嘅配搭🍓
草莓酸奶
$42
31 views
0 likes
0 comments
-
整體幾高質😋欣賞佢賣相擺盤細心講究，好打卡-able
以上兩款飲品出色，見隔籬枱叫嘅白桃柚子茶望落唔錯，入面真係有白桃而唔係齋茶咁上🍑
環境舒服，鍾意佢個窗口景，一望無際，可以欣賞到香港美麗嘅景色
服務OK，上菜快
性價比合理，份量唔細，用料靚同足
雖然覺得餐廳應該有邀請Blogger試食寫食評，但係佢嘅好評係值得嘅👍🏻
想食記得book定枱啊，晚市都坐滿，walk in未必有得食
💡: 餐廳只收現金或PayMe
Post
