御鐵

Open Now

Now Closed

今晚同朋友去咗銅鑼灣食Omakase慶祝佢搵到新工，好耐之前食過今日再encore。環境高檔次，簡潔得來蘊藏着淡淡優雅韻味，有大大張吧枱，可以看著廚師細心炮製美食。揀咗個Dinner D set 多左牛和龍蝦。鮑魚取代了缺貨的象拔蚌。餐前先揀日本酒，我揀咗比較果味重的桃酒，甜甜的易入口。季節沙律蔬菜好新鮮，有羽衣甘藍、日本蘿蔔等，加上兩隻大蝦好爽脆，配上日本醋好開胃。南非孔雀鮑魚見住鮑魚新鮮由水族箱拎出嚟，非常新鮮，食落彈牙又有質感，有魚子和菊花做點綴。配上海葵醬，旁邊的肝臟也可食用，味道比較濃，後食。西澳龍蝦同樣新鮮，蝦膏做返醬汁好鮮味，龍蝦肉質彈牙而爽脆，配上食用花，增添美感。熊本牛厚切燒／澳洲牛柳配煎野菜選用了優質牛食材，油脂分布平均，入口即溶，牛味香軟幼滑。跟日本大啡菇，南瓜和翠玉瓜一起燒，吸收了牛燒過的精華。超好味。唔夠鹹可以點旁邊的竹炭鹽。清酒煮蜆日本蜆好大隻，鰹魚湯底和本菇和海苔一起煮，增添鮮味。海膽炒飯材料有蛋、瓜、海鮮類還加咗好多海膽去炒，飯炒得粒粒分明。甜品揀咗薑味雪糕，薑味好濃，超讚。