Video
Read full review
2024-09-11
95 views
日本菜一定係我最鍾意嘅菜式，不過有時覺得喺香港食日本嘢唔抵，尤其是喺銅鑼灣呢啲地方，如果去居酒屋，散叫，其實好多時每個人要食$700先走得，今次俾我發現原來銅鑼灣都有好抵食嘅晚市定食，冇聽錯，係晚市唔係午市！佢定食嘅款式有好多，有壽司刺身丼飯同埋燒魚，最平百幾蚊到就有一個定食，包一啲前菜例如沙律，湯，同埋蒸蛋之類。叫咗個旗本壽司定食，壽司係好新鮮嘅，我更加想讚佢嘅軟骨餃子，口感好好，算係我食過覺得最好食嘅日式餃子！仲有佢個魚湯真材實料，好鮮甜！想再化算啲嘅可以叫丼飯定食，份量好大碗，男仔都會夠食，仲有佢個海鮮汁蒸蛋又係超好味超滑！不得不提係佢嘅一夜干，燒得好好，外面脆裏面係Juicy，自己屋企如果冇燒魚海鮮汁架，真係好難整到咁樣嘅口感。另外吉列廣島蠔講緊$68有四大隻，真係抵到喊。身為一間居酒屋佢嘅飲品選擇都好豐富，我叫咗檸檬冰果碳酸酒， $58有500 mL勁大杯，唔會太濃，女仔啱飲，真係好滿足。好耐都冇食過香港好抵食嘅日本菜，今次我覺得呢到真係一大發現，環境好舒服，侍應都好親切，非常good!
佢定食嘅款式有好多，有壽司刺身丼飯同埋燒魚，最平百幾蚊到就有一個定食，包一啲前菜例如沙律，湯，同埋蒸蛋之類。
叫咗個旗本壽司定食，壽司係好新鮮嘅，我更加想讚佢嘅軟骨餃子，口感好好，算係我食過覺得最好食嘅日式餃子！仲有佢個魚湯真材實料，好鮮甜！
想再化算啲嘅可以叫丼飯定食，份量好大碗，男仔都會夠食，仲有佢個海鮮汁蒸蛋又係超好味超滑！不得不提係佢嘅一夜干，燒得好好，外面脆裏面係Juicy，自己屋企如果冇燒魚海鮮汁架，真係好難整到咁樣嘅口感。另外吉列廣島蠔講緊$68有四大隻，真係抵到喊。
身為一間居酒屋佢嘅飲品選擇都好豐富，我叫咗檸檬冰果碳酸酒， $58有500 mL勁大杯，唔會太濃，女仔啱飲，真係好滿足。
好耐都冇食過香港好抵食嘅日本菜，今次我覺得呢到真係一大發現，環境好舒服，侍應都好親切，非常good!
Post
