Video
Read full review
2025-01-13
1008 views
就嚟到農曆新年，係時候搵定中菜餐廳同屋企人食飯，今次就去率先去食吓呢間低調中菜館，餐廳其實位於銅鑼灣中心，但門面非常的低調，真係要知道先知道係好嘢！餐廳以深木色為土，古典設計，朴實無華，專注菜餚的味道。餐廳一共有2層，地方寬敞，坐得舒服，而且更有房間，私穩度夠晒高，同家人朋友或公司聚會都好適合。餐廳朝早有茶市，而晚上就係食小菜，餐廳有多款著名小菜，今次就食咗呢啲先~下次要再試佢點心及叉燒先至得！🤩🌟川味花膠第一次食花膠做的前菜，這個是冷盤，用上較薄身的花膠，口感爽脆，雖然是川味，但只是微辣，帶辣椒的香，提高食慾，同配搭的苦瓜非常的襯，苦瓜爽脆多汁，而且唔會太苦，是甘味，配上微辣的花膠，新穎好味的前菜！🌟杏汁菜膽白肺湯非常足料的燉湯，是我好鍾意的杏汁白肺湯，湯汁雪白濃稠，杏汁的味道恰到好處，而豬肺則處理得乾淨沒有異味，食落是彈牙的，好味！🌟鮮蟹肉炒北海道鮮奶用上北海道鮮奶來作炒鮮奶，師傅炒得嫩滑，而且唔油，有奶香但唔羶，再配埋新鮮蟹肉及松子同吃，入口口感豐富美味🌟鮮鮑魚角炆雞（例牌）大廚採用新鮮大連三頭鮑魚，加入蔥蒜等材料將新鮮雞件炆得入味又充滿蔥香，真正色香味俱全！鮑魚彈牙入味，而雞件
今次就去率先去食吓呢間低調中菜館，餐廳其實位於銅鑼灣中心，但門面非常的低調，真係要知道先知道係好嘢！
餐廳以深木色為土，古典設計，朴實無華，專注菜餚的味道。餐廳一共有2層，地方寬敞，坐得舒服，而且更有房間，私穩度夠晒高，同家人朋友或公司聚會都好適合。餐廳朝早有茶市，而晚上就係食小菜，餐廳有多款著名小菜，今次就食咗呢啲先~下次要再試佢點心及叉燒先至得！🤩
🌟川味花膠第一次食花膠做的前菜，這個是冷盤，用上較薄身的花膠，口感爽脆，雖然是川味，但只是微辣，帶辣椒的香，提高食慾，同配搭的苦瓜非常的襯，苦瓜爽脆多汁，而且唔會太苦，是甘味，配上微辣的花膠，新穎好味的前菜！
🌟杏汁菜膽白肺湯非常足料的燉湯，是我好鍾意的杏汁白肺湯，湯汁雪白濃稠，杏汁的味道恰到好處，而豬肺則處理得乾淨沒有異味，食落是彈牙的，好味！
🌟鮮蟹肉炒北海道鮮奶用上北海道鮮奶來作炒鮮奶，師傅炒得嫩滑，而且唔油，有奶香但唔羶，再配埋新鮮蟹肉及松子同吃，入口口感豐富美味
🌟鮮鮑魚角炆雞（例牌）大廚採用新鮮大連三頭鮑魚，加入蔥蒜等材料將新鮮雞件炆得入味又充滿蔥香，真正色香味俱全！鮑魚彈牙入味，而雞件炆得嫩滑又鮮味，配飯食一流！👍🏻
🌟瑤柱蛋白炒飯非常出色的炒飯，看似簡單但顯功架，餐廳用上靚金鳳米，飯粒食落煙韌有飯香，而且飯粒炒得粒粒分明，帶瑤柱的鹹香及蔥花香味，好飽都成碗食晒！
🌟蛋白杏仁茶呢度杏汁咁靚，當然要食埋佢嘅蛋白杏仁茶啦，杏仁茶每日新鮮製造，所以限量供應，而且即叫先即煮，所以特別新鮮熱辣，杏仁香濃幼滑，蛋白時間剛剛好，不會太實，香滑好味😋
Post
