Video
Read full review
2022-06-30
49 views
喺銅鑼灣有好多嘅日本餐廳，呢次就嚟到新開無耐嘅雪見，佢哋嘅裝修環境好靚，一出電梯就有一個小座園，餐廳內坐位寬敞舒服，加上佢哋嘅店員都好nice，令人有賓至如歸嘅感覺。呢度嘅廚師發辦主要有三款，我哋呢次就食其中一款名為櫻嘅套餐。入面有先付、刺身、吸物、壽司、食事同埋甘品。依家佢哋仲做緊優惠，全日都有8折。令呢個套餐嘅CP值變得更高。先付有三款分別係汁煮白梅貝、合桃小女仔、海膽麻醬豆腐。梅貝係嚟自日本，殼嘅形狀同埋質感都同香港有所不同，而肉質嘅口感會更彈牙。小女仔加埋合桃更加香口，用嚟送酒會更佳。海膽麻醬豆腐就喺普通嘅麻醬豆腐上加咗嚟自北海道嘅海膽，令較為平凡嘅豆腐多添一份名貴海膽嘅鮮甜。刺身：有三款分別係鰤魚、蜜柑鯛、深海池魚。鰤魚。鰤魚：魚肉甜美，魚味濃郁。深海池魚：可算係油份較高嘅魚，魚油甘香細膩。蜜柑鯛：比較少地方食到嘅魚，呢款嘅鯛魚用蜜柑作糧食，所以魚肉都自帶陣陣嘅蜜柑香，再加上喺刺身柚子皮同青檸汁，更能突出蜜柑鯛嘅蜜柑體味。壽司：左口魚配火炙左口魚裙邊壽司：左口魚係白身魚，雖然味道較淡，但魚肉鮮甜，口感較爽口，而放喺左口魚上面嘅裙邊經過火炙，魚油會更多同更香。金目鯛壽司：金目鯛
呢度嘅廚師發辦主要有三款，我哋呢次就食其中一款名為櫻嘅套餐。入面有先付、刺身、吸物、壽司、食事同埋甘品。依家佢哋仲做緊優惠，全日都有8折。令呢個套餐嘅CP值變得更高。
先付有三款分別係汁煮白梅貝、合桃小女仔、海膽麻醬豆腐。梅貝係嚟自日本，殼嘅形狀同埋質感都同香港有所不同，而肉質嘅口感會更彈牙。小女仔加埋合桃更加香口，用嚟送酒會更佳。海膽麻醬豆腐就喺普通嘅麻醬豆腐上加咗嚟自北海道嘅海膽，令較為平凡嘅豆腐多添一份名貴海膽嘅鮮甜。
刺身：有三款分別係鰤魚、蜜柑鯛、深海池魚。鰤魚。
鰤魚：魚肉甜美，魚味濃郁。
深海池魚：可算係油份較高嘅魚，魚油甘香細膩。
蜜柑鯛：比較少地方食到嘅魚，呢款嘅鯛魚用蜜柑作糧食，所以魚肉都自帶陣陣嘅蜜柑香，再加上喺刺身柚子皮同青檸汁，更能突出蜜柑鯛嘅蜜柑體味。
壽司：
左口魚配火炙左口魚裙邊壽司：左口魚係白身魚，雖然味道較淡，但魚肉鮮甜，口感較爽口，而放喺左口魚上面嘅裙邊經過火炙，魚油會更多同更香。
金目鯛壽司：金目鯛係款高級嘅魚種，肉質細膩，味道鮮味，甘甜肥美。
中拖羅：相對大拖羅會少咗啲油脂香，但魚味相對會突出返啲，仍然都能食到入口即化嘅口感，油香同魚味兩者會平均過大拖羅。
魷魚配海膽：師傅細心將魷魚切粒，會較平時整塊魷魚嘅壽司有咬口，而魷魚上面仲加左鮮甜味十足嘅赤海膽，令味道層次變得更豐富。
大拖羅壽司：只係望到都流哂口水，見到魚肉本身佈滿咗精美細緻嘅魚油油花，完全做到入口即化，滿口油香，真係令人一食愛上。
赤身醬油漬：醬油漬赤身雖然食落冇之前食嘅大拖羅咁肥美，但係肉質非常柔軟，而醬油更能突出赤身嘅魚味。
海膽壽司
紫菜好脆身，壽司飯同海膽嘅比例拿捏得好好，而海膽相當新鮮，入口綿滑，滿滿海膽獨有嘅鮮甜味，真心好味。
帆立貝：帆立貝勁大粒，夠哂新鮮，肉亦都好厚，鮮甜清爽，再加埋少少黑松露，令香味有更多嘅層次。
湯物：鯛魚湯
魚湯呈好完美嘅奶白色，唔會有一點嘅魚腥味，只飲得出無比嘅鮮甜，不過一定一定趁熱飲。
稻庭烏冬：烏冬夠哂彈牙，份量剛剛好。
甜品：靜岡蜜瓜夠哂清甜，為呢餐豐富嘅Omakase劃上完美嘅句號。
Post
