老長沙湘菜館

Open Now

Now Closed

同女朋友行完銅鑼灣宜家傢俬佢話想食辣野 即刻搵到呢一間位於駱克道459-461號The L. Square 1樓既 老長沙湘菜館 餐廳喺一樓 唔想等嘅話行樓梯都可以 夠哂方面裝修係傳統嘅中式茶樓咁樣 好有feel有兩間包廂 希望下次多人啲嘅話可以坐同女朋友揀左198既水煮鮮牛肉188既潮式蠔仔烙仲有98既鐵板水晶粉先講下水煮鮮牛肉 成碟入邊係超多牛 超多配料 牛肉好明顯係新鮮牛肉 食落去冇雪藏味道 另外每樣配料都好入味 特別係啲青瓜 食到停唔到口潮式蠔仔烙好有驚喜麵粉唔會好多，但係中間有勁多蠔，每一啖都係蠔仔，鍾意食蠔嘅朋友，一定唔可以錯過！鐵板水晶粉氣派十足，未上枱已經聽到咋咋聲，水晶粉彈牙有咬口，而且炒到非常之香口，垂涎三尺真係無講錯，配料同樣炒到好香口，同女朋友食到超級滿足！最後連埋茶位同加一兩個人566落樓，銅鑼灣食到呢個質素嘅中菜，抵呀！