Video
Read full review
2019-04-11
280 views
星期六放假帶媽媽食好西！來到了位於銅鑼灣耀華街的「楽壽司」日本餐廳。一進門內就可見餐廳樓底極高，裝修瑰麗堂皇，甚具氣派！被安排至兩人卡座，座位非常寬敞舒適星期六都有午市定食餐，除左Omakase，仲有各款壽司或刺身定食，亦有熱食，價錢由$248起。我地點左各一個刺身拼盤同燒魚定食前菜及沙律點餐後店員會先送上前菜和沙律。前菜裡有竹輪、蒟蒻、甘筍絲等等，調味恰好。雜錦沙律菜好新鮮，碧綠爽脆，配有少量魚生粒同和風芝麻醬，清新開胃西京燒銀雪魚定食伴碟鋪排賣相一流，睇得出廚師好用心堆砌。銀雪魚外皮燒得微脆，魚肉鮮嫩甜美，富魚油脂香，不得了！配上入口Q彈的日本珍珠米，味道一流壽司盛盒由於不是坐在壽司吧位置，壽司會分兩輪送上，而食材都係由廚師精心挑選新鮮當造的！Round 1宮城蠔(左起)蠔肉頗肥美，入口鮮甜，帶有微微天然嘅海水鹹香，面上配左柚子啫喱，感覺好清新北海道帆立貝帆立貝好飽滿，非常鮮甜！池魚厚切的池魚色澤光鮮，伴上美味蔥蓉，鮮味即時提升金獅魚師傅將魚片輕輕火炙過，使到魚肉帶有火炙香，柚子胡椒甜甜微辣，刺激味蕾赤貝即係吞拿魚背脊，脂肪比例不高，入口係鮮味魚肉香，面上加左薑末、芝麻同花生碎，好
星期六都有午市定食餐，除左Omakase，仲有各款壽司或刺身定食，亦有熱食，價錢由$248起。我地點左各一個刺身拼盤同燒魚定食
前菜及沙律
點餐後店員會先送上前菜和沙律。前菜裡有竹輪、蒟蒻、甘筍絲等等，調味恰好。雜錦沙律菜好新鮮，碧綠爽脆，配有少量魚生粒同和風芝麻醬，清新開胃
西京燒銀雪魚定食
伴碟鋪排賣相一流，睇得出廚師好用心堆砌。銀雪魚外皮燒得微脆，魚肉鮮嫩甜美，富魚油脂香，不得了！配上入口Q彈的日本珍珠米，味道一流
壽司盛盒
由於不是坐在壽司吧位置，壽司會分兩輪送上，而食材都係由廚師精心挑選新鮮當造的！
Round 1
宮城蠔(左起)
蠔肉頗肥美，入口鮮甜，帶有微微天然嘅海水鹹香，面上配左柚子啫喱，感覺好清新
北海道帆立貝
帆立貝好飽滿，非常鮮甜！
池魚
厚切的池魚色澤光鮮，伴上美味蔥蓉，鮮味即時提升
金獅魚
師傅將魚片輕輕火炙過，使到魚肉帶有火炙香，柚子胡椒甜甜微辣，刺激味蕾
赤貝
即係吞拿魚背脊，脂肪比例不高，入口係鮮味魚肉香，面上加左薑末、芝麻同花生碎，好美味
甜蝦蓉
剁得細碎的甜蝦蓉好鮮甜，啖啖肉，有膠質的感覺
迷你丼
呢個迷你丼用料上乘，有吞拿魚茸、海膽同三文魚子，吞拿魚茸好軟滑，海膽好鮮甜！三文魚子呈鮮橙色，味道又鹹又甜，帶有海味，正啊
味噌湯及茶碗蒸旦
味噌湯質素正常。茶碗蒸蛋非常嫩滑，充滿蛋香，面上仲有少許蟹肉，絕不簡單
Round 2
火炙燒銀鱈魚BB(左起)
呢個係一歲以下的銀鱈魚BB，火炙燒過後入口特別嫩滑，面上加配左適量的黑松露，兩者二合為一味道好夾
北海道馬糞海膽
超大舊海膽，份量真係好多！而且係超級鮮甜，口感細滑，不得了呀！梅鹽更加能帶出海膽的鮮味
極上吞拿魚腩
呈嫩粉紅色的Toro係魚肚臍邊，非常肥美，略有入口即溶的感覺，魚肉非常鮮甜味美
壽司裡亦好值得欣賞嘅係，師傅握功了得，米飯並不鬆散，鬆軟度適中且綿糯，壽司醋飯帶有醋香！而且每件壽司裏的飯量並不多，只有一小口，使到客人能夠更加專注品嚐到食材的鮮味
芝麻及抹茶雪糕
最後仲有來自日本製的雪糕作結尾，抹茶同芝麻香味都好濃郁，有奶香，唔會太甜，好好味呀！
順帶一提，原來黎緊五月份係開業6週年，餐廳會有一連串優惠。其中一項係早一星期訂座兼俾埋訂金，每位Omakase可以減$200呢詳情可以向店員查詢
Post
