The Point (Closed)

今日過左銅鑼灣開工，放工就同同事去了登龍街搵食，這間The Point是在街尾，餐廳不算太大。首先要了個沙律Arugula & pear salad，主要是火箭菜、梨子、芝士、核桃，配上黑松露醋汁，我最鍾意就係火箭菜苦澀味，加上梨味帶甜，中和苦澀味，不過黑松露味則不太吃得出，反而醋味既甜且酸，清新開胃。之後再點了個意大利風干系列拼盤Antipasto platter，有幾款風干火腿及意大利腸，咸味不算太重，肉味甘香，質素不錯，還配上水牛芝士及番茄中和咸味感。主菜是海鮮意大利脆米湯飯，湯底有濃郁的蝦香，非常鮮甜，有多款海鮮如蝦、蜆、青口及三文魚等，海鮮足料，飯內有些香脆，咬落口感特別。最後當然要試埋個Posh Hawaiian pizza，pizza面舖上了風干火腿及一些火箭菜，菠蘿很甜，餅底又薄又脆，唔會太滯，可以食多幾塊。最後值得一讚是店員會經常幫忙加水，始終食物比較濃味，所以要飲水去中和一下，當然餐廳亦有多款飲品及酒類提供啦。