粗菜館

Open Now

Now Closed

一直好鍾意嚟九龍城食飯，因為呢度好有煙火氣，各種炒菜我都好鍾意，雖然餐廳環境唔大，試過之後覺得炒菜口味好惹味，真係好值得一嚟…點咗例湯，湯料好足，口感好香甜，例湯每日隨機，我哋嗰日係紅蘿蔔同粟米湯…點咗招牌嘅炒豬雜，呢個係佢哋嘅招牌菜，真係必點嘅，鍋氣好足炒得好香，另外點咗荷葉蒸鱔魚，呢個菜係有啲酸梅醬嘅口味，酸酸地啱啱好去咗魚腥味，魚肉仲係好有口感嘅，少量魚骨。仲有一份豉椒炒鴨腸，鴨腸真係好爽口啊，最後好推薦蔥油雞，真係好有嚼勁，係走地雞嘅味道，雞味濃好好食，豬油渣菜心都嚟咗一份，每次大排檔都會點嘅，然後豬油拌飯都好值得一試！粗菜館 (九龍城) 九龍城衙前圍道17A號地舖