跳舞蘭 (Closed)

今日同女女同朋友一行5人游完水，又攰又肚餓。朋友媽媽好想食泰國菜同生蝦刺身，搵左好多地方都無開一唔係就結業搵無可去到洪水橋諗住食茶記算 點知經過間“跳舞蘭”，好啦！膽粗粗一試啦！叫左“生蝦刺身”蝦好厚身，好彈牙又新鮮蒜蓉包好厚好軟好香呀！我未食過咁厚都咁軟既蒜蓉包架，真係好好味。主菜：豬手飯，香辣肉碎飯，冬陰公雞絲湯金邊粉，炒雞扒河。豬手飯：鹵水豬手又“林”又滑，一啲奀既感覺都無，好香藥材味有啲似肉骨茶味道，但無個隻苦味香辣肉碎飯我無試朋友話好味，清晒一粒無漏冬陰公雞絲湯金邊粉：有別於一般冬陰公，佢甜味多少少，無咁酸好大碗，食唔晒。炒雞扒河：大大塊河粉，甜甜地好好味我鐘意大大塊河粉，又唔油好味呀！今餐唔太貴，多謝有老細請好正呀！值得推介呀！