享樂餐室

Open Now

Now Closed

太想食西多士，路過見到呢間茶記下午茶時間都差唔多滿座，都決定入去碰碰運氣。一坐低已經聽到廚房傳來陣陣嘅鑊鏟聲，睇嚟佢嘅炒嘢一定有啲料到。望住佢嘅餐單，平均一個下午茶4-50蚊已經有炒粉麵飯，難怪有咁多客人。生炸雞脾配沙律 $39 - 雞脾都好大隻，而且炸到個皮好脆，啖啖肉，朋友都話唔錯。乾炒豬扒公仔麵 $50 - 認真鑊氣十足一上枱就聞到好香，好怕平時出去食嘢會太咸，但呢到炒得好香之餘，味道亦都岩岩好，夠味而且唔會太咸，岩哂我口味，豬扒亦都唔會乾爭爭，讚！！經典西多士 $33 - 好怕啲餐廳會一早幫你落埋糖漿，呢到係成支比你可以自己倒，呢點好欣賞，西多士入面搽滿花生醬，可以食到少少花生粒，口感豐富左好多。