Knockbox Coffee Company (Moved) New Location

食完晚飯過嚟吹下水食下靚甜品。裝修係我鍾意嘅小店風，不過呢其實我就唔係話太鍾意坐高櫈，始終腳踏實地好啲😅，不過無位都無辦法。今次無order 我至愛嘅mocha , 因為都晏了，怕訓唔著，要咗杯朱古力，朱古力都有心心拉花，好開心，朱古力味好濃，幾唔錯。另外仲有order 咗2杯 dirty 同flat white 跟住落嚟呢個甜品真係長智識，creme brulee 食過好多次，每次都係下面燉蛋，上面係用火槍燒一燒啲糖脆脆地咁，但呢間就完全唔係嗰回事，樣同囗感都同我食過嘅完全唔同，類似cake 咁，總括一句，唔好食最後嘅yellow真係好IGable🥰 , 賣相實在非常好，好啱呃like , yellow 其實即係蜜糖窩夫，一共有8粒，旁邊仲有啲食用花，窩夫造得好香👍，不過就唔夠脆，囗感差少少。