雲南風味小鍋米線

Open Now

Now Closed

本來約咗朋友去食餃子，去到先知休息。好彩後一條街有好多嘢食。我同朋友都話想試依間米線好耐，但次次都見到人龍。今日唔趕時間就排下！唔係等咗好耐就有位，樣樣餸都想食，心大心細。點咗五個餸，酸辣少少辣。但湯唔夠酸，少少辣又真係好少😅少過x仔5小辣。下次可以叫小辣/中辣。蘿蔔偏細粒，好淋，算甜但唔夠味。腐竹偏硬身唔係x仔個啲咁淋，鐘意有口感嘅人就會岩啲。雞絲有驚喜，唔係你認知嘅雞絲，而係滑雞片，仲要都幾多片。豬軟骨未算好淋，入味但偏淡味。最特別係有雞軟骨，雞軟骨好好咬又淋又入味，完勝豬軟骨！米線就好軟好淋，唔係彈牙個種。唔鐘意食硬麵嘅我就岩晒！一碗連飲品$63，絕對抵食夾大件。