生原創(蛋包飯)

Open Now

Now Closed

呢間蛋包飯，我都食過好幾次，每次嘅質素都保持到水準，不過佢嘅飯都幾大碟如果兩個人去食一人叫一碟嘅話一定好飽甚至食唔晒，所以基本上如果兩個人去就話一碟飯跟住再嗌小食，三個人去就嗌兩個飯，如此類推。飯方面，我覺得佢個和牛蛋包飯同海膽蛋包飯係值得推介嘅，當然要加錢轉買流心蛋啦，我就通常陪開茄汁，因為驚咖喱味同白汁會好重口味，所以未試過。小食方面，我會選擇叫佢個雞泡魚乾，芝士雞翼，仲有嗰個牛串燒都好好食。嘢飲方面都好多選擇，日本餐廳當然有清酒同啤酒啦，不過揸車就費事飲啦。總括來講，呢間餐廳係值得推介，價錢方面唔算特別貴，服務幾好環境唔錯。