Video
Read full review
2023-04-26
45 views
阿仔復活節假期後，返咗2日學就中咗甲型流感！阿媽我身心俱疲，10日後，阿仔終於好返🥹阿媽我同自己講，第一時間要食餐好獎勵下自己🥹朋友話長沙灣元州商場有間炯記餐室，佢哋個鵝油撈麵好正喎！就一於揀佢食餐好！今次仲老公陪我食👏🏻👏🏻👏🏻 🍽️烔記手撕雞撈麵（鹽焗） $56手撕雞係必食，肉質嫰滑，鹽焗味道剛剛好，唔會過鹹，好味吖👍🏻撈麵無鹼水味👍🏻超讚吖，口感彈牙，鵝油食起嚟仲唔覺得膩，好出色吖！🍽️烔記四寶撈麵 $70老公乜都鍾意試下，四寶真係好啱佢，有手撕雞，豬手，牛腩，牛肚！老公大讚個豬手，好入味而且容易食！以上套餐都有個酸辣蒜香雲耳，我真係好想讚下呢個小食，好香蒜味，少少辣，加上雲耳好爽口，食到真係停唔到吖😍😍😍阿仔好鍾意食豬手，我又冇食到，把心一橫，今晚加餸，叫個祕制醬皇豬手 $68同銷魂腩叉 $68 返屋企做餸，簡單方便😂我真係好鍾意食叉燒，叉燒一定唔可以太瘦，而且要有少少燶邊，師傅真係做得好好👏🏻👏🏻下次諗唔到煮咩，過嚟又可以搞掂😏做媽媽有時都要抖吓氣，屋企人又食得開心，成個畫面完美吖😍😍😍😍
朋友話長沙灣元州商場有間炯記餐室，佢哋個鵝油撈麵好正喎！就一於揀佢食餐好！
今次仲老公陪我食👏🏻👏🏻👏🏻
🍽️烔記手撕雞撈麵（鹽焗） $56
手撕雞係必食，肉質嫰滑，鹽焗味道剛剛好，唔會過鹹，好味吖👍🏻撈麵無鹼水味👍🏻超讚吖，口感彈牙，鵝油食起嚟仲唔覺得膩，好出色吖！
🍽️烔記四寶撈麵 $70
老公乜都鍾意試下，四寶真係好啱佢，有手撕雞，豬手，牛腩，牛肚！老公大讚個豬手，好入味而且容易食！
以上套餐都有個酸辣蒜香雲耳，我真係好想讚下呢個小食，好香蒜味，少少辣，加上雲耳好爽口，食到真係停唔到吖😍😍😍
阿仔好鍾意食豬手，我又冇食到，把心一橫，今晚加餸，叫個祕制醬皇豬手 $68同銷魂腩叉 $68 返屋企做餸，簡單方便😂
我真係好鍾意食叉燒，叉燒一定唔可以太瘦，而且要有少少燶邊，師傅真係做得好好👏🏻👏🏻
下次諗唔到煮咩，過嚟又可以搞掂😏
做媽媽有時都要抖吓氣，屋企人又食得開心，成個畫面完美吖😍😍😍😍
Post
