百份百餐廳 (元州街) (Closed)

好少嚟長沙灣區，今日嚟聽講座， 周圍搵食，見到呢間餐廳裝修都唔錯， 價錢又平民化，所以走咗入去。我唔係好肚餓 ，叫咗個方魚肉碎海鮮泡飯， 海鮮就得 小小細蝦仔， 墨魚仔, 仲有方魚塊同肉碎，有d菜芯，唔算好多料，但湯就好夠。適合今日冇乜胃口。朋友叫咗個晚餐，咖哩牛坑腩飯配熱奶茶， 佢話牛腩都淋，加埋啲薯仔， 咖哩唔辣有椰香味，味道好惹味，另外白飯夾咗一粒粒既藜麥，又幾健康喎!呢度快餐店價錢，但坐位舒適，食物質素都ok，都係一個唔錯嘅選擇。