Video
Read full review
2020-12-29
1556 views
麗閣商場其實係一個屋邨商場，不過經過重新包裝，感覺煥然一新！以標誌性塗鴉貨櫃打造主題，走炫黑工業風，十分型格。與韓國人氣文青貨櫃COMMON GROUND有幾分相似。商場前空地有少少裝置設計，可惜疫情影響全部都封起左。地舖有幾間食肆，大部分為連鎖式餐廳。而我地選擇了一間非連鎖CAFE食個下午茶。What's Cafe價錢貼地，符合地區。下午茶大多為輕食，以麵包/蛋糕類為主。餐廳牆上掛滿了畫作，年輕化得黎幾有藝術氣色，同商埸外面塗鴉設計有少少呼應。＊－。－。－。－。－。－。－。－。－。－＊🔸 香蕉合桃鬆餅 $29糕點放於收銀櫃枱前方，有三至四款，選擇唔多鬆餅有翻熱先上，幾細心可惜唔知係放得太耐定本身拌粉唔夠黏，切落去過於鬆散同偏乾，香蕉味未夠突出，唔太好食🔸 Tiramisu $29蛋糕外表平平無奇，望落去偏軟身，食落軟綿可可粉灑滿蛋糕面及碟上咖啡既香濃 vs 朱古力既甜度 vs 蛋糕既奶油，都算平衡到各種味道，略欠甜酒味道依個價錢會俾合格🔸 Latte (跟餐+$10) / 🔸 熱綠茶鮮奶 (跟餐+$10)一般茶餐免費跟咖啡或茶以上兩杯都係特飲，要另外加$10/杯升級賣相唔錯，杯面上
麗閣商場其實係一個屋邨商場，不過經過重新包裝，感覺煥然一新！以標誌性塗鴉貨櫃打造主題，走炫黑工業風，十分型格。
與韓國人氣文青貨櫃COMMON GROUND有幾分相似。
商場前空地有少少裝置設計，可惜疫情影響全部都封起左。
地舖有幾間食肆，大部分為連鎖式餐廳。
而我地選擇了一間非連鎖CAFE食個下午茶。
What's Cafe價錢貼地，符合地區。
下午茶大多為輕食，以麵包/蛋糕類為主。
餐廳牆上掛滿了畫作，年輕化得黎幾有藝術氣色，
同商埸外面塗鴉設計有少少呼應。
＊－。－。－。－。－。－。－。－。－。－＊
🔸 香蕉合桃鬆餅 $29
糕點放於收銀櫃枱前方，有三至四款，選擇唔多
鬆餅有翻熱先上，幾細心
可惜唔知係放得太耐定本身拌粉唔夠黏，
切落去過於鬆散同偏乾，香蕉味未夠突出，唔太好食
🔸 Tiramisu $29
蛋糕外表平平無奇，望落去偏軟身，食落軟綿
可可粉灑滿蛋糕面及碟上
咖啡既香濃 vs 朱古力既甜度 vs 蛋糕既奶油，
都算平衡到各種味道，略欠甜酒味道
依個價錢會俾合格
🔸 Latte (跟餐+$10) / 🔸 熱綠茶鮮奶 (跟餐+$10)
一般茶餐免費跟咖啡或茶
以上兩杯都係特飲，要另外加$10/杯升級
賣相唔錯，杯面上用可可粉灑上餐廳LOGO
Latte味道方面正正常常
綠茶鮮奶奶味未夠多同濃厚，
茶粉溶唔哂並帶點苦澀，味道怪怪地
＊－。－。－。－。－。－。－。－。－。－＊
Post
