炊豕店 (曉悅) (Closed)

睇戲前係附近搵下有咩好食，見到呢間炊豕店係長沙灣都開左分店，就想食下。嗌左大阪燒豬扒飯（轉撈粗麵）：木魚份量非常多，而且上面淋左同大阪燒一樣味道嘅醬汁，而且豬扒炸得好香脆，亦唔會覺得好熱氣好油膩，亦唔會落得太多肉鬆粉搞到無左肉嘅質感粗麵亦都煮得岩岩好。之後嗌左個滷水拼盤，有雞翼，滷蛋，豬耳，大腸，雞腎。雞翼非常大隻，醃得好入味。雞蛋就正正常常啦。豬耳爽口彈牙，亦都幾大條。大腸唔會有臭味，食落去幾香。雞腎都好爽口，size幾大粒。前菜嗌左涼拌大豆芽，份量非常多，落左啲麻油去調味，亦加左少量豆卜，成碟黎講係幾好食，食落去好開胃！完全可以中和返岩先炸豬扒嘅飽膩感。飲品方面，係壹品豆漿，呢個正常無咩特別。另外嗌左杯蜂蜜生薑茶，非常中意呢杯，因為好養生！飲落去好重薑味，好滋補。食完炸野再飲返杯補品，絕對可以下火化痰！