Boholic

Open Now

Now Closed

以前喺荔枝角返工，食過一間幾好食嘅打卡西餐廳，環境幾靚，連個廁所都有大量乾花裝飾，所以今次約舊同事敘舊都揀呢間餐廳。今次係喺度第一次食dinner ，散叫為主，先嚟第一碟芝士焗澳洲薯皮，其實係迷你焗薯上面鋪咗芝士，非常邪惡，每一啖芝士鹹香都完美地同薯仔結合🤤主菜揀咗美式BBQ醬烤焗西班牙豬肋骨，豬肋骨好多肉，焗得勁腍，肉質近乎入口即溶！配菜仲有洋蔥圈同埋燒菠蘿，特別一讚燒菠蘿好大嚿好多汁👍🏻甜品要咗開心果奶蓋疏乎厘班戟，充滿蛋味嘅疏乎厘配上充滿開心果忌廉，鬆軟之中，帶有果仁香味，而且完全唔膩，甜度適中，好食！飲品要咗Bailey’s Banana Coconut smoothie，呢個cocktail相當出色，頂層有椰子cream，飲落有Bailey’s嘅酒香，好飲過好多酒吧！朋友要咗黑糖伯爵茶鮮奶咖啡都覺得味道幾特別。整體質素唔錯，環境好適合傾偈，嘢食又好味，值得再嚟食！