Video
Read full review
2022-12-10
1323 views
📌 烤魚世家雞煲火鍋 - 長沙灣青山道373-379號昭德大廈地下B號舖🗓(10/12) 星期六 ⏰ 下午5點左右 💈特式：長沙灣唔算多專門食烤魚/雞煲嘅餐廳，因為今日又係長沙灣放學，路經呢間只係開左個零月嘅烤魚/雞煲專門店，但上openrice一睇，評價竟然可以咁快做到49好評對0個負評，好奇心驅使下就去左試下。🥩🍔🌭🌮🥗🥯🥘🍲🍝🍣🥟🍤🍱食物：我去到嘅時間未夠5:30，見到仲有個好抵食嘅午市烤魚餐，就叫左個烤花爐魚，再單點半隻雞煲，一份黑毛肚，一個涼拌魚皮小食。見到佢正價烤魚都有不少選擇，總共有4款魚種類，味道就有6款可選，辣度亦都有不同嘅選擇，等我同大家講下🐟🐔味道先。涼拌鮮魚皮 - 呢個涼拌魚皮可以揀麻辣/泡椒，我就揀左麻辣小辣，呢個真心推介，首先佢只係$68已經唔貴，份量又多，仲要好食勁爽口。午市烤花鱸魚餐 - 午市烤魚最平只係$68有成條魚，我揀左花鱸魚就貴少少，但都只係$88，上枱時我都估唔到竟然咁嘅價錢都有咁大條魚，烤魚發揮正常，魚皮煎到香脆，魚肉仲好嫩滑，不過午市餐就比較少配料，只有少少芽菜同豆卜，另外仲包左飯或米線或薯粉，我就揀左香辣小辣，起初食就唔覺好辣，但
🗓(10/12) 星期六 ⏰ 下午5點左右
💈特式：長沙灣唔算多專門食烤魚/雞煲嘅餐廳，因為今日又係長沙灣放學，路經呢間只係開左個零月嘅烤魚/雞煲專門店，但上openrice一睇，評價竟然可以咁快做到49好評對0個負評，好奇心驅使下就去左試下。
🥩🍔🌭🌮🥗🥯🥘🍲🍝🍣🥟🍤🍱
食物：我去到嘅時間未夠5:30，見到仲有個好抵食嘅午市烤魚餐，就叫左個烤花爐魚，再單點半隻雞煲，一份黑毛肚，一個涼拌魚皮小食。見到佢正價烤魚都有不少選擇，總共有4款魚種類，味道就有6款可選，辣度亦都有不同嘅選擇，等我同大家講下🐟🐔味道先。
涼拌鮮魚皮 - 呢個涼拌魚皮可以揀麻辣/泡椒，我就揀左麻辣小辣，呢個真心推介，首先佢只係$68已經唔貴，份量又多，仲要好食勁爽口。
午市烤花鱸魚餐 - 午市烤魚最平只係$68有成條魚，我揀左花鱸魚就貴少少，但都只係$88，上枱時我都估唔到竟然咁嘅價錢都有咁大條魚，烤魚發揮正常，魚皮煎到香脆，魚肉仲好嫩滑，不過午市餐就比較少配料，只有少少芽菜同豆卜，另外仲包左飯或米線或薯粉，我就揀左香辣小辣，起初食就唔覺好辣，但越食辣味就越出。
招牌重慶鮮雞煲 - 我叫左半隻，目測都真係有半隻份量，價錢就$158，都算平，味道都係叫左小辣，佢個醬汁幾好味，辣中帶少少甜味，雞肉都好新鮮。
黑毛肚 - 一份$98，但都幾大份，都有20片以上毛肚，清潔方便都處理得好好，索味又爽口。
☕️🍵🥤🧋🍺🍷🥃🍹🧉🍾🍶🥛
飲品 - 飲品有幾款大大杯特飲，大杯到飲到尾都飲唔晒咁滯，仲有其他普通罐裝汽水/支裝啤酒之類，正常操作。
🍽環境：餐廳環境同裝修就同普通茶餐廳差唔多，有好多梳化卡位，坐位同枱面空間都好闊落，地方亦都乾淨企理，光猛整潔。
🤵🏻🤵🏻♀️🤵🏻♂️服務：職員服務好好，好有禮貌 ，仲會同客人傾下計，見到食烤魚/雞煲個d客人亦會主動幫客人睇火同調校火力之類。
💰💸價錢：今日叫左一個午市烤魚餐，半隻雞煲，一個魚皮小食，一個配料黑毛肚，連埋飲品，埋單都唔洗$500，價錢算正常偏抵。
🐲💬總結：我覺得呢間嘅烤魚同雞煲都做得唔錯，而且午市烤魚餐只係$68起，都真係好抵食，大家有機會可以一試。
推薦指數：❤️❤️❤️❤️🤍
涼拌鮮魚皮
$68
42 views
0 likes
0 comments
午市烤花鱸魚
$88
56 views
0 likes
0 comments
午市烤花鱸魚
$88
41 views
0 likes
0 comments
招牌重慶鮮雞煲
$158
33 views
0 likes
0 comments
黑毛肚
$98
29 views
0 likes
0 comments
龍鳳檸樂
$35
26 views
0 likes
0 comments
Post
