一喜食堂 (Closed)

朋友帶我黎呢間一喜食堂食拉麵，鋪頭細細，行過都唔會為意呢度有間拉麵店。呢度既拉麵幾抵食，價錢比起平時出去食既都要平，裝修好有日本feel，入面有啲模型同擺設，小店格局反而令人食得更加舒服自在😌 1⃣️櫻花蝦海老味噌拉麵（$67） 湯底好濃呈奶白色，面頭灑上櫻花蝦同蔥花，飲落好濃厚既蝦味🦐而呢度既麵條我好鍾意，係幼身既，好掛湯而且煮既軟硬度啱啱好，仲有啲煙韌既～呢度叉燒每件肥瘦相間，帶少少筋位，本身叉燒冇乜味，不過都算多肉。Overall覺得湯底係真係出色，而且呢個價錢黎講性價比極高😍  2️⃣辣味雞肉拉麵（$65）（溏心蛋+$10） 第一次見辣雞肉拉麵，湯底係越飲越辣既果種，辛味唔算好衝擊但係係幾惹味既🤤雞肉係帶皮既，食落算幾嫩滑，應該係以慢煮方式整成。另外加左粒溏心蛋，拉麵就係要配翻隻糖心蛋先啱！