牛極 (雅怡居)

Open Now

Now Closed

長沙灣日式石燒烤肉平時經過牛極嘅分店都好多人，今日約咗朋友食晏晝，一齊試吓呢間朋友推介嘅餐廳。餐廳主力做食少烤肉，大部份都係自助服務，例湯白飯沙律一律任食任裝，最貼心嘅就係有圍裙俾防止油煙唔會彈到啲衫一達達。落單用自動售賣機，即刻諗起去日本食拉麵時候嘅回憶，我哋一行兩人叫咗和牛石赤身燒，同埋牛肩排。石燒板溫度好高，咁啱朋友同我都好鍾意食石燒，兩款牛肉各有千秋，赤身肉質方面肥瘦適中，牛肩就抵食夾大件。值得一讚嘅就係兩款肉唔係好多筋，放上石燒板之後好快就熱辣辣食得。最正嘅就係醬汁：生蒜、燒汁、辣椒汁，夾埋熱辣辣嘅牛肉好快已經K.O.咗兩碗飯，一定要飲埋佢哋用牛肉所熬製嘅餐湯。