洋食商店 (喜遇)

Open Now

Now Closed

朋友放假，一齊出黎食下野，揀左佢樓下間洋食商店，佢話呢間餐廳新開，裝修幾型佢都未試過，就一齊黎試下喎😊七點幾黎到，店員話要等一等先有枱，態度友善親切，感覺唔錯。店內裝潢充滿日式風格，餐具精緻，用QR code落單，點了一份招牌鍋料理二人餐，貪其套餐多野食，價錢亦挺親民😘⭐串燒併盤先來的串燒，有雞翼、冬菇、秋葵、豬腩肉、菠蘿同大蝦，燒得香口，再點埋旁邊個辣醬更惹味😋⭐明太子玉子燒個餐仲可以揀兩款小食，第一樣揀左玉子燒，玉子香軟甜美，明太子鹹鮮，兩樣併埋一齊好好味🤤⭐唐揚爆谷雞第二樣叫左炸雞，炸得香脆，附上茄汁、沙律醬同蜜糖芥茉醬，一口一粒幾正。⭐頂級美國極黑牛頸脊壽喜燒黑松露燉飯主食要左牛，賣相吸引。店員會幫手燒，先用牛油塗鍋，邊燒邊落壽喜燒汁，牛肉片甜美有肉香，大大片有口感。燒完牛肉就放蔬菜了，同樣由店員服務，擺得好香的日式火鍋👍最後就係燉飯了，用火鍋醬汁燴飯，煲到收汁就食得啦，有芝士香又有黑松露香，飯軟腍，可以分到一人一大碗，好飽呀😆⭐爆打雙檸 & 高山雲霧綠茶個餐本身唔包餐飲，但有優惠價$28叫特飲，朋友要左杯爆檸，酸酸甜甜幾正。自己就要樣踏實啲嘅熱綠茶，食咁多野飲啖熱茶好舒服😘落