Ricco (Closed)

而家疫情又勁左，都係少啲去餐廳食嘢，買下外賣好過，想閉下關。間ricco 都係人地講外賣幾正先去試。叫咗兩個小食，佢個buffalo wings 我專登問佢可唔可以加啲芝士上去，自己好多嘢鍾意加芝士，老闆又幾好人幫我加埋喎！呢啲special request 都肯做，加哂分啦。雞翼外皮炸得香脆，個sauce 酸酸辣辣，十分惹味，加埋陣芝士香😋香酥雞球新鮮炸起，個袋摸上手仲熱辣辣，裡面肉質唔會炸到好乾，仲保持住好Juicy 😋煙三文魚蛋沙律牛角包🥐 牛角包牛油味突出，配合埋蛋沙律少少酸酸地咁，加煙三文魚嘅鹹香，整個組合都幾match 。佢仲配埋薯條，正。青醬雞肉意粉好有驚喜，青醬個herbs 香味出哂黎，意粉軟硬適中，佢仲有一啲sauté 過既蘑菇😀依家天氣咁熱，一定要整杯特飲嘆吓，叫咗個柑桔蜜綠茶，超級冰涼，唔會一面死甜，勁解渴。