極之拉麵

Open Now

Now Closed

住呢頭嘅友人知道我鍾意食拉麵 呢晚佢同我嚟咗呢間拉麵店食晚飯 佢話平日經過見到間舖經常有人排隊 所以要捉我嚟同佢食🍜終極之廣島牡蠣濃湯拉麵呢一個係期間限定拉麵 每日限量供應🦪 入面真係好足料 有三隻日本廣島蠔 溏心蛋 醬漬牡蠣同埋慢煮叉燒 店員建議我地可以先食麵同試下個湯 然後食到一半先食蠔同埋漬物😮 咁樣食又真係可以試到個濃湯嘅味道 濃湯飲落口好鮮味 係用上大量嘅蠔去到煮個濃湯🍲 作為蠔嘅湯底 但係一啲腥味都冇👍🏻 真係令我好有驚喜基礎真鯛白湯拉麵呢一個較平價嘅基礎拉麵包括咗有慢煮叉燒同鯛魚片 慢煮叉燒好大片 鯛魚片一啲都唔腥 同埋好滑身 我哋見基礎拉麵本身冇包到溏心蛋 所以另外加咗一隻🍳 湯底可以揀幾款辣辣度 我揀咗佢推介嘅小辛辣 🌶️ 味道幾有特別 呢個奶白色嘅魚湯冇用任何嘅忌廉湯或者其他魚類調味 淨係用鯛魚熬製🐟 再帶一少少嘅刺激 係一個意想不到嘅味道手羽明太子雞翼明太子雞翼入面嘅明太子份量好充足 而且新鮮整上嚟熱辣辣咁食 幾正🐥北海道芝士年糕呢度嘅芝士年糕比起坊間個外皮係更加煙靭 有少少似麻糬嘅質感🥰 而且佢嘅外層係唔會炸到好厚好硬 入面嘅芝士仲做到拉絲效果🧀無糖烏龍茶