香辣鮮

Open Now

Now Closed

前排約咗朋友去咗荔枝角，又想食雞煲，就簡咗呢間餐廳。呢間餐廳除咗雞煲，仲可以食烤魚、酸菜魚，啲選擇都幾多！因為想食得養生啲，就簡咗胡椒豬肚湯同椰子湯雞煲。1.咸酸菜胡椒豬肚雞煲呢個湯底好岩冬天食，胡椒嘅味道都好重，飲咗幾啖湯已經feel到好熱，啲雞同豬肚都煲到好入味，食落都好重胡椒味，而個煲都好足料，都食到好多咸酸菜同豬肚！2.清潤椰子雞煲椰子湯底好清甜，入面仲有馬蹄同杞子，仲有好多舊椰子肉，感覺好養生；呢個湯底同胡椒湯底唔同，雞件係另外上，要自己將雞件放入湯到淥熟，啲雞淥熟完之後都係好嫩滑。3.黃金皮蛋平時食開嘅皮蛋都係黑色，但係呢款好特別，皮蛋嘅顏色係金色，個蛋黃仲要有少少流心；辣度可以自選，雖然最尾都叫咗唔辣，但係佢嘅醬汁都好惹味，同個皮蛋幾夾。4.爆蒜泥白肉呢個小食同佢個名一樣，餐廳真係俾咗好多蒜泥，一上枱已經見到好多蒜泥鋪哂喺肉嘅上面，鐘意食蒜嘅朋友必叫！值得一讚嘅佢嘅份量真係好多，CP值好高！