燒夜食堂 (Closed)

長沙灣要食到正宗自家燒物唔係一件容易既事，特別係當你夜晚人生路不熟，係長沙灣行黎行去既時候。莉莉子今日晚上完成左工作後，黎到長沙灣附近，想飲杯野食下日式燒物，朋介紹之下黎到呢間叫「燒夜食堂」，簡單既裝修換來唔簡單既食物。入到門口，侍應會先俾一張落單紙，客人可直接掃QR code自行落單。食物既選擇非常多，當中包括拉麵、前菜、燒鳥、海鮮、野菜等，莉莉子感覺同日本最傳統既居酒屋好似，女仔人家最後無點酒，反而叫左個蜜桃梳打🍑🍑🍑食物大概5-10分鐘就到啦，即叫即燒，絕對唔係燒定好既。莉莉子點左雞腎、雞肉串燒、雞軟骨、日本菇同蕃茄仔😊😊雞肉入口非常嫩滑，而且燒到好焦香，雞肉包住大蔥燒，蔥香味入哂雞肉入面，好正呀😊😊😊至於雞腎就一定要推薦，朋友都話配啤酒一流👍👍另外女仔始終都要食d蔬菜，莉莉子點左一份芝士蟹籽翠玉瓜，翠玉瓜燒得夠乾身，半融既芝士入口濃郁，絕對要介紹下☺️☺️朋友鍾意食烏冬，所以都點左個流心蛋芝士烏冬，價錢仲要唔貴，一搭芝士一搭半融流心蛋汁，非常吸引😋😋😋最後到我既「蜜桃梳打」，賣相已經好吸引，韓國制，好夠氣，配埋燒物簡直無得彈，兩個人食左300蚊左右，非常優惠🥳🥳