Video
Read full review
2020-06-03
1250 views
Blue Monday...翻完工再翻學咁辛苦，獎勵下自己食串燒不為過姐？😫經過望到入面無乜人，枱又少，枱上連menu都冇，係咪覺得伏伏地呢？但食過包你bookmark定下次再來過😜紫薯餅$18🍠超級脆🤩平時小金唔太好炸嘢，但呢個真心可以翻兜👍🏻入面除左有紫薯蓉之外，好似仲有粒狀嘅紫薯/蕃薯，雖然口感上未必食得岀😂酥脆嘅外層會略略中和翻紫薯嘅天然甜味☺️黑蒜油豬軟骨拉麵$88🍜豬軟骨大舊又軟身得來唔會好油膩，而且豬軟骨本身嘅味道都幾濃郁👍🏻湯底方面，黑蒜油味道濃得來唔會過鹹。拉麵算彈牙，拉麵配料亦比得好足😋唐揚雞粒3粒(拉麵加配$18)🐥又一個平時唔愛食，但今次要推介下嘅炸物🤣熱辣辣咬落去，外脆內軟之餘係微微嘅juicy感，而且肉質唔會實🤤孜然燒韮菜(1份$18,2份$32)🍡平時死都唔會食，因為有強烈嘅草青味，但今次食得最多個個係我🤭韮菜唔會燒過龍，唔會一拎起就成棵’謝’左，食落好爽口。韮菜經歷過燒烤同加孜然粉嘅步驟後特別香。有少少開始鐘意食韮菜串燒🤣鹽燒一口牛串$28🐂口感唔柴但唔係特別淋，味道，食得到個浸’燒烤感’但無乜牛味汁燒京蔥雞肉串$28🍢雞串係小金去串燒店必嗌嘅，呢間嘅醬汁
經過望到入面無乜人，枱又少，枱上連menu都冇，係咪覺得伏伏地呢？但食過包你bookmark定下次再來過😜
紫薯餅$18🍠
超級脆🤩平時小金唔太好炸嘢，但呢個真心可以翻兜👍🏻入面除左有紫薯蓉之外，好似仲有粒狀嘅紫薯/蕃薯，雖然口感上未必食得岀😂酥脆嘅外層會略略中和翻紫薯嘅天然甜味☺️
黑蒜油豬軟骨拉麵$88🍜
豬軟骨大舊又軟身得來唔會好油膩，而且豬軟骨本身嘅味道都幾濃郁👍🏻湯底方面，黑蒜油味道濃得來唔會過鹹。拉麵算彈牙，拉麵配料亦比得好足😋
唐揚雞粒3粒(拉麵加配$18)🐥
又一個平時唔愛食，但今次要推介下嘅炸物🤣熱辣辣咬落去，外脆內軟之餘係微微嘅juicy感，而且肉質唔會實🤤
孜然燒韮菜(1份$18,2份$32)🍡
平時死都唔會食，因為有強烈嘅草青味，但今次食得最多個個係我🤭韮菜唔會燒過龍，唔會一拎起就成棵’謝’左，食落好爽口。韮菜經歷過燒烤同加孜然粉嘅步驟後特別香。有少少開始鐘意食韮菜串燒🤣
鹽燒一口牛串$28🐂
口感唔柴但唔係特別淋，味道，食得到個浸’燒烤感’但無乜牛味
汁燒京蔥雞肉串$28🍢
雞串係小金去串燒店必嗌嘅，呢間嘅醬汁濃郁，雞肉都幾嫩滑，其實唔配京蔥都ok
汁燒京蔥黑毛豬肉串$24🐖
呢個真心推介🤩黑毛豬口感果然零舍唔同，加埋京蔥一齊食份外有口感，黑毛豬嘅味道亦同燒汁揉合為一體🤭翻兜之選
蒲燒鰻魚串$22🐠
本身諗住佢應該除左好乾，揾條鱔魚hea我燒兩下之後搽醬汁。但岀到來有驚喜！食落有少少魚柳嘅口感，醬汁嘅份量剛好，唔會蓋過啲魚味😋
蒜蓉燒半殼扇貝3隻$78🦪
蒜蓉超多，但生左少少😭扇貝都幾大粒，口感尚算彈牙，但真係唔好食曬一個(半)殼嘅蒜蓉，如果唔係會遮左啲扇貝味
Post
