六十六十火鍋 (Closed)

最近香港凍左好多，小編即刻想搵返揀火鍋店暖下個人。於是今日就帶左朋友去六十六十食粥底火鍋😎。海鮮有蟹、扇貝、蟶子王、蜆、蠔同海蝦，每樣都好新鮮👍🏻。當中蟹真係啖啖肉好靚冇得輸，果然冬天就一定要食蟹😍。 扇貝同蟶子仲好有鹹水味，好正😆。d蜆全部都好大隻好有份量，一d沙都冇，好鮮甜🤩。蠔，份量十足，有成20隻，食得好過隱😋。而且仲有4隻生猛海蝦🦐。另外，個湯底有跟一d配菜，例如粟米、芋頭粒、南瓜粒等。煮完食完海鮮，再落埋d配菜落去煮，個粥勁鮮甜☺。另外小編有叫左d其他野食，有鮮冬菇、枝竹、午餐肉、唐生菜、手打墨魚丸，仲有美國肥牛。肥牛大大片而且牛味好濃，脂肪分佈均勻😝。手打墨魚丸雖然細細粒，但係好足料每啖都有墨魚肉，墨魚味好重👍🏻。