適泊魚燒 (Closed)

身為屯門牛嘅小編，一直都好掛住細細個喺屯市超市門口有賣嘅香噴噴魚仔燒，食落去外脆內軟，雞蛋味好香，而且見到部機一路整，好得意，但係自從執咗之後，就一直食唔番個種味道🙃loop 到長洲有賣魚仔燒，就一直都好想食，好想食返兒時嘅味道☺️魚仔燒（🌟75.11/100）💲50/10粒呢間舖頭好隱蔽，係落船個位置一直向左手邊行，差唔多行到盡頭就會見到，呢隻魚仔燒可以凍食或者熱食，所以就叫咗一半凍一半熱。凍食，外面仲林嘅，入邊嘅吉士餡少少硬硬地，食落有啲似半溶嘅雪糕；熱食，成舊都係熱辣辣，吉士餡唔會太甜，正正常常嘅味道。個人覺得，如果凍食嘅話，放落冰格雪到乘個硬似，入邊嘅餡就會好似雪糕咁；而熱食，可以放落氣炸鍋5分鐘外脆應該會更好食。