Video
Read full review
2022-03-13
103 views
入得嚟長洲就梗係要食好西，搭船嗰陣除咗瞓覺之外最好嘅消磨時間方法就係睇一陣要食咩😂經過我千挑萬選，就決定試下依間餃子冰室～🤍C餐。蜆肉芫茜餃配糖醋骨飯🤍💵$52我就係俾佢依個芫茜餃吸引咗所以嚟試！依個餐包6隻餃子，一個飯同一包紙包飲品/四季春茶～芫茜餃係原盤蒸籠上，每三隻一籠～餃子皮係綠色嘅帶少少透明，食落去煙煙韌韌咁，又少少似薄版粉果皮，應該有用到澄麵落去整🤔我覺成舊餃子塞晒落口食最好食，煙韌嘅餃子皮配上濃濃嘅芫茜香同鹹香嘅蜆肉，咬開餃子皮，啲鹹鮮嘅湯汁會喺口腔裡面爆發，好食😋至於個糖醋骨飯，我個人比較一般～雖然都燜得好腍下，但係豬肉肉質偏鞋同埋對於我嚟講都係油咗啲，唔係幾啱我口味🤭🧡C餐。家鄉肉餅餃配黑醬油雞飯🧡💵$52依個比較似一般豬肉餃，但係會包咗2粒我估係沙葛嘅粒粒，食落去好爽甜，都一樣充滿肉汁～🥰依份就揀咗配黑醬油雞飯，好濃郁嘅醬油味，都幾香口，雞肉亦唔會過鞋，如果喺兩款飯裡面揀，我會建議揀雞飯～💜竹蔗茅根甘荀沙冰💜💵$33除咗餃子之外，依度嘅沙冰都係店舖嘅招牌～主打將一啲中式糖水變成沙冰～今次就試咗依款竹蔗茅根，飲落十分清甜，而且真係好透心涼，天氣熱飲一流，唯一無咁好係份
🤍C餐。蜆肉芫茜餃配糖醋骨飯🤍
💵$52
我就係俾佢依個芫茜餃吸引咗所以嚟試！依個餐包6隻餃子，一個飯同一包紙包飲品/四季春茶～芫茜餃係原盤蒸籠上，每三隻一籠～餃子皮係綠色嘅帶少少透明，食落去煙煙韌韌咁，又少少似薄版粉果皮，應該有用到澄麵落去整🤔我覺成舊餃子塞晒落口食最好食，煙韌嘅餃子皮配上濃濃嘅芫茜香同鹹香嘅蜆肉，咬開餃子皮，啲鹹鮮嘅湯汁會喺口腔裡面爆發，好食😋
至於個糖醋骨飯，我個人比較一般～雖然都燜得好腍下，但係豬肉肉質偏鞋同埋對於我嚟講都係油咗啲，唔係幾啱我口味🤭
🧡C餐。家鄉肉餅餃配黑醬油雞飯🧡
💵$52
依個比較似一般豬肉餃，但係會包咗2粒我估係沙葛嘅粒粒，食落去好爽甜，都一樣充滿肉汁～🥰
依份就揀咗配黑醬油雞飯，好濃郁嘅醬油味，都幾香口，雞肉亦唔會過鞋，如果喺兩款飯裡面揀，我會建議揀雞飯～
💜竹蔗茅根甘荀沙冰💜
💵$33
除咗餃子之外，依度嘅沙冰都係店舖嘅招牌～主打將一啲中式糖水變成沙冰～今次就試咗依款竹蔗茅根，飲落十分清甜，而且真係好透心
涼，天氣熱飲一流，唯一無咁好係份量偏少，仲要係無得跟餐加配嘅情況下真係比較偏貴～
💛腐竹蛋洋薏米沙冰💛
💵$33
另一款沙冰就揀咗佢嘅皇牌口味，飲落去腐竹味好出，而且沙冰嚟講打得算好幼細，幾乎食唔到任何冰粒，正🥰🥰
💕overall💕
如果可以推出雙拼餃子餐就好喇🥺俾我試多啲口味呀嘛🥺🥺
蜆肉芫茜餃
13 views
0 likes
0 comments
糖醋骨飯
12 views
0 likes
0 comments
家鄉肉餅餃
7 views
0 likes
0 comments
黑醬油雞飯
8 views
0 likes
0 comments
竹蔗茅根甘荀沙冰
$33
8 views
0 likes
0 comments
腐竹蛋洋薏米沙冰
$33
7 views
0 likes
0 comments
Post
