芒果王 (Closed)

之前黎長洲食過一次呢間的芒果糯米糍，一路都念念不忘那份香甜柔滑，今次仲同朋友再次去長洲，但我又淨係記得呢間鋪頭附近環境，但唔記得個名，又會咁橋朋友又行下行下搵到呢間，註定要俾我食到你！真心推介「芒果王」的長洲糯米糍，好味到不得了！掌心咁大個芒果糯米糍，個皮好鬆軟，包住裡面透心涼的大片芒果肉，咬落去可以不多經咀嚼而一口分割芒果肉，不會痴黏黏。大家仲要打住牌放break時食，大家一口一口吃，滑不留口，係咪好Hong Kong style 先？發覺香港從來sell的都唔係貴價菜，香港風味反而係最地道的小食。長洲必食！