阿信小廚 (Closed)

以前去長洲，最叻就係去食海鮮，然後就走去海邊找海鮮買，然後扮勁咁走入去海邊的店叫人加工，再整兩三條小菜，埋單就會覺得這個價不如出去食，扮晒食風味！有長洲居民做朋友之後，終於識去相熟街市買海鮮，又幾平靚正，之後就去呢間小廚，位置唔係海邊，後而在小巷穿插，然後就拿海鮮入去加工！伙計都好好咁會話你知邊樣海鮮點整最好，然後仲會提議可以加埋小菜，我們當然都接受啦！海鮮嚟到都真的加工加得好好味，而另外的小菜都相當有鑊氣，好耐無食過咁正的一餐！