101手工涮涮鍋 (Closed)

來到厚福街真的很有口福，因為這裏真的有很多美食，今晚就來到很多朋友都介紹過的101手工涮涮鍋 ，食個靚火鍋！101手工涮涮鍋位置低調，門口唔大，要上一層樓梯， 但入座之後地方係大嘅，座位闊落， 而且冷氣十足！餐牌大大張紙看似簡單，但係食落殊不簡單！屬前菜嘅麻醬手撕雞同麻辣木耳都好好食！鍋底我哋叫咗冬瓜雪場蟹腳海鮮鍋， 湯底非常足料！ 有成斤冬瓜放咗喺入面，鱈場蟹腳都有十多件！湯底同埋蟹腳都好鮮甜！幾經辛苦拆曬大量蟹腳之後就開始打邊爐啦， 每兩位一盤嘅肥牛紋理又靚，色澤紅嫩， 好有牛香。每位加$30仲有盤新鮮嘅海鮮，美國桶蠔有我隻手掌咁大！店家手工響鈴同魚皮厚身爽脆，不是街外貨色，大讚！ 可惜係限量供應，冇得encore，因為真係食完想再食！配料方面可以揀手工丸類或者台灣滷水拼盤。見未試過，就試下鹵水拼盤，放落鍋入面灼一陣就食得！ 鹵水非常入味， 鴨舌，牛肚，豬腸，豬耳正到不得了！另外仲有幾十款配料任點，但係食完頭先嗰啲已經好飽！只係可以食得落紫薯水晶包，因為甜品放另一個胃！ 紫薯水晶包煙韌香紫薯味，落鍋灼完，又鹹又甜好過癮！但其實仲有好大個甜品囉， 仲有特色台灣飲品 ，今餐真係飽到上心