Video
Read full review
2015-05-02
1058 views
莫講話青怡花園，地鐵上蓋嘅青衣城都甚少去，今晚長驅直進嚟到跟青衣港鐵站相隔一大段路嘅青怡花園「俊達晞茶餐廳小廚」食晚飯，仲一行12個大漢，都喺友人帶嗆，訂咗張「大枱」 ，真喺好難得嘅聚會。不過，因為明知喺周六晚會好多人，所以，我哋都訂得早啲去食。環境唔多講，茶記一間，乾淨企理就算，一張相交待晒。雖然比唔起上大酒樓環境咁舒適，亦唔方便坐太耐，張大枱其實頂多坐10個人，我哋坐夠12個，仲要好幾個身形有番咁上下件頭，真喺食到肩並肩，不過，咁人齊，食得大家都稱心高興 。況且，招呼意外咁好，點好？臨尾再講！餐牌方面，晚市主要都喺做小菜，一列是日捱介、湯羹、打冷、小菜就喺晚市嘅選擇，乜乜乜快餐ABC就唔多見有提供；而上述嘅小菜亦喺散叫形式，無包埋例湯、白飯嘅套餐。等人齊就開餐，茶記嘅特點就喺上菜速度快，一叫上菜，無耐就上齊晒 。由於今次唔方便逐碟逐碟慢慢影相，所以，影相角度及距離都唔到我控制，影得唔好或唔清楚請多多包涵。 鹵水拼盤 $60 鹵水有雙拼（$60）或三拼（$68），如無特別偏好，就不如叫個拼盤，墨魚、大腸、紅腸、豬頭肉……樣樣執啲，個人覺得質素一般般，鹵水唔夠香。 沙薑雞
環境唔多講，茶記一間，乾淨企理就算，一張相交待晒。雖然比唔起上大酒樓環境咁舒適，亦唔方便坐太耐，張大枱其實頂多坐10個人，我哋坐夠12個，仲要好幾個身形有番咁上下件頭，真喺食到肩並肩，不過，咁人齊，食得大家都稱心高興 。況且，招呼意外咁好，點好？臨尾再講！
餐牌方面，晚市主要都喺做小菜，一列是日捱介、湯羹、打冷、小菜就喺晚市嘅選擇，乜乜乜快餐ABC就唔多見有提供；而上述嘅小菜亦喺散叫形式，無包埋例湯、白飯嘅套餐。
等人齊就開餐，茶記嘅特點就喺上菜速度快，一叫上菜，無耐就上齊晒 。由於今次唔方便逐碟逐碟慢慢影相，所以，影相角度及距離都唔到我控制，影得唔好或唔清楚請多多包涵。
鹵水拼盤 $60 鹵水有雙拼（$60）或三拼（$68），如無特別偏好，就不如叫個拼盤，墨魚、大腸、紅腸、豬頭肉……樣樣執啲，個人覺得質素一般般，鹵水唔夠香。
鹵水拼盤
$60
91 views
1 likes
0 comments
點菜時阿姐話佢哋嘅沙薑雞喺招牌嘢，點一隻試試又睇吓有幾招牌，如果人少可以點半隻，只賣$78，收得咁嘅價就知唔喺鮮雞貨色，不過，做出嚟都唔失色，雞肉幾滑，微微滲出沙薑嘅鹹香味。
沙薑雞
$148
73 views
1 likes
0 comments
幾家常嘅小炒菜式，亦較易晌屋企親手做，不過，有時想食就食，無謂諗咁多，腰果炸得好香脆，西芹去晒絲，食落爽脆無渣。
腰果西芹肉丁
$60
78 views
1 likes
0 comments
餐牌上嘅煲仔菜有唔少選擇，而依個煲仔菜嘅沙嗲未夠香濃，否則，索滿汁嘅粉絲就更好食，至於啲牛肉喺滑牛，幾腍幾滑。
沙嗲粉絲牛肉煲
$55
78 views
1 likes
0 comments
九肚魚炸得嫩滑，椒鹽味啱啱好，非常香口惹味，餸飯就差少少，餸啤酒就一流啦。
椒鹽九肚魚
$62
79 views
2 likes
0 comments
味道較清嘅西蘭花花枝片，西蘭花口感帶脆，而花枝片軟腍鮮味。
西蘭花花枝片
$68
55 views
1 likes
0 comments
另一個煲仔菜喺豆腐班腩，有魚有菜，豆腐都挺嫩滑，整體味道跟口感都好平穩。
豆腐班腩煲
$62
47 views
1 likes
0 comments
依家啲豆苗都賣得幾貴，所以，依碟瑤柱扒豆苗都幾大碟，算喺抵食，而且豆苗幾嫩，內裡亦有唔少瑤柱碎，個茨打得唔算太杰，味道不俗。
瑤柱扒豆苗
$78
95 views
1 likes
0 comments
重口味嘅欖菜，餸飯就特別滋味，炒出嚟嘅四季豆，充滿鹹香。睇起嚟好易煮，但自己煮就總喺差啲，都喺出去食好，夠鑊氣。
欖菜炒四季豆
$48
96 views
1 likes
0 comments
3個煲仔菜中，以依個味道一般啲，海鮮都喺得啲蝦同魷魚仔。
海鮮雜菜煲
$68
76 views
1 likes
0 comments
白飯一碗，真喺無咩好講，但裝到咁大碗 ，就知喺街坊生意，童叟無欺，裝大碗啲又何妨！
自擕水果 之前問准老細可唔可以帶啲生果嚟食作為飯後果，講佢服務好唔單止無所謂，仲幫手洗埋、切埋，外出唔喺間間茶記肯咁做，皆因阻鬼住佢做生意 ，所以，我哋都好識做，食完生果即走，因為出面都有好些人晌度等位。
今晚點嘅都喺啲普普通通、見慣見熟嘅茶記小炒，所以，唔算考驗到大廚嘅功夫，出品嘅質素都平平穩穩。無茶芥，無加一，經濟實惠，俾啲懶煮飯嘅家庭輕輕鬆鬆食番餐！Post
