漢城美食 (Closed)

跟友人搞好正經野, 想搵個平平地的地方吃飯, 一諗就諗起這間小店。七時多的高峰時段, 這裡跟隔壁的秀的門口長期有人等位, 在這條又濕又黑的街道, 都咪話唔堅。食物份量偏少, 例如炒粉絲, 炒豬肉, 是細細的一碟。烤牛肉飯就幾大碗, 以款款$50來計, quality 同份量都係可以接受的。炒粉絲偏油, 幾腍身, 幾惹味, 不過不是我最喜歡的。烤牛肉飯只跟小小的醬, 厚面皮問老闆拎多d, 佢都好樂意奉上。自己撈撈撈, 幾好玩, 又好味, 其辣醬為整個飯的靈魂。其實大部分韓國菜, 最好吃的都關其惹味的醬汁事, 真羨慕韓國人! 炒豬肉的豬肉用脢頭位, 腍得來又有咬勁, 又不太瘦唔會太乾, 用辣醬炒, 幾惹味, 撈飯吃一流。是日菜式被朋友形容為"叫得真對", 我想, 呢個portfolio應該會滿足到大家的。可能人太多關係, 得老闆一雙手係度做唔停, 服務雖不夠貼身, 但可理解。要求斟水都有求必應, 亦好好笑容, 明白大排長龍的背後意義。