Dear Coffee & Bakery (Moved) New Location

二訪黃得黎又好食嘅Dear，除左紫薯包係固定外，每星期都唔同款嘅手工麵包，記得留意ig。上星期日12:00黎到已經有10幾個人排緊隊，好彩可以留電話唔駛曬住等，約前後等左約一個鐘。如果要試手工麵包的話記得早少少去，我買嗰陣已經剩返兩款，隔離檯叫埋最後兩個就沽清。.芒果乳酪抹茶貝果店員會用焗爐翻熱，我地攤涼左少少先食，包體好有嚼勁，唔係Q彈嗰種，比較紮實，但呢種質地都唔錯，係切得有啲辛苦。烘焙用的抹茶多數偏苦，呢款都唔例外，食得出落左好多茶粉，而用酸酸甜甜嘅芒果乳酪做餡可以平衡返個味道，個人幾欣賞呢個配搭。紫薯包之前已經介紹過就唔多講，紫薯餡味道天然，軟包水準依舊，無咩可以挑剔。Matcha Latte/Latte拉花好有心思，朋友話Latte正正常常，Matcha latte就落左好多抹茶粉，可惜未搞勻同無咩回甘。另外叫完先知原來有杯Matcha + Espresso 嘅 Utopia，下次試下先。