點盅皇包點專門店

Open Now

Now Closed

上水火車站側惡魔之橋供應既辣魚蛋腍劈劈又無味，仲得六七粒都要收 HKD10 蚊，真係難晒譜架﹗唔洗交租唔洗交稅，淨係比舵地都賣咁貴！難為班正當商人捱貴租！難得遇到美女有返工，忍唔住走過黎幫襯一下。操跆拳前食碗魚蛋打打底先，返李福林應該唔會操到嘔。美女有返工點都要拮串魚蛋先，閒時拮一拮，良晨拮日幾時都得！辣魚蛋，每碗 HKD10 蚊有十粒，一碗魚蛋兩種口感咁奇怪呢，唔同牌子？一半係真魚蛋結實彈牙，另一半假魚蛋腍劈劈！撈上自家辣沙嗲夠香夠辣，好味道，正啊！應該係煮既時間唔同，結實微彈魚蛋口感完全滿意無投訴！香辣沙嗲夠刺激，淡淡咖哩香噴噴，魚蛋結實有彈性！魚肉燒賣，好唔掂！無味道不特止，仲要蒸到腍劈劈，濕到爛。