泰醉 (Closed)

如果想食泰國菜又唔想去九龍城，原來朋友屋企附近近近地就有一間街坊泰菜餐廳。平時都好少行去昌華街果邊，今日經過餐廳門口，俾佢五光十色嘅霓虹燈吸引住，餐廳咁有格調，緊係要入去試下喇。估唔到閒日夜晚餐廳都幾多人，不過好好彩一入去就有位。餐廳入面幾乾淨，而且座位唔會好迫，幾闊落。泰式串燒6串(豬、牛、雞)($88)串燒有6串，豬、牛、雞各兩串。串燒即叫即燒，肉唔怕燒到乾晒又有炭香味，好味。泰式炒金邊粉($88)金邊粉先用豆乾、芽菜、蝦仁炒好，再用蛋皮包住，面頭仲一隻大蝦，成個攞盤都好靚。金邊粉甜甜酸酸，加埋豆乾、芽菜、蝦仁，口感好豊富。紅咖哩雞($88)紅咖喱本身微辣，椰香味好濃。雞肉好嫩滑好好味。蒜蓉條條包 ($42)叫得咖哩又點可以唔叫蒜蓉包！蒜蓉包兩面都有蒜蓉，而且烘到好脆好香。蒜蓉包點住咖哩食，真係好正。芒果糯米飯($58)芒果糯米飯。芒果夠新鮮，糯米飯暖暖地，配埋椰汁一齊食，真係一流。為呢餐畫上完美句號。街坊泰菜餐廳，抵食夾大件，值得再去。