一盅點心

Open Now

Now Closed

我今日放假，住在元洲邨的好友約我去位於長沙灣青山道的一盅點心食特色早茶，小店型式經營，環境舒適，坐得舒服。我和好友點左個 世一燒賣拼盤，韮黃鮮蝦腸，筍尖蝦餃皇，花膠鮮竹卷，黑金流沙包，花旗參蟲草花燉雞，香芒凍果甸，茗茶每位$6。餐廳除左推廣 世一燒賣拼盤外，還有 醒神套餐（點心任選2款）$32，飽肚套餐（任選主食1款+點心2款）$50，亦有 滋補燉湯+蒸飯套餐 $68起。另外下午2時後的正價點心產品係全單8折。世一燒賣拼盤有齊12個口味，包括：鮑魚燒賣、乾蒸牛肉燒賣、麻辣牛肉燒賣、芫茜馬蹄豬肉燒賣、爆汁墨魚燒賣、黑椒墨魚燒賣、鵪鶉蛋燒賣、懷舊燒賣皇、花椒辣燒賣、梅菜扣肉燒賣、泡椒燒賣、蕃茄海鮮燒賣。韮黃鮮蝦腸，蝦仁大隻又彈牙，腸粉好味；燉湯材料豐富又足料，好味又好飲；蝦餃皇爽口好味；流沙包餡料足有流沙；鮮竹卷好味，香芒凍果甸好好味，係我的至愛。